Challandes flet për situatën e Muriqit dhe Ujkanit në Serie A

Përzgjedhësi i Kosovës, Bernard Challandes ka folur pas fitores së thellë ndaj San Marinos  me rezultat 4-1.

Të gjitha golat në këtë ndeshje u shënuan nga Vedat Muriqi. Pas ndeshjes, tekniku zviceran ka thënë se Muriqi mund të shkëlqejë në Seria A.

“Muriqi? Po unë mendoj që e ka nivelin e Seria A, por tash duke marrë parasysh lojtarë si Immobile dhe Correa, janë sulmues të fortë dhe nuk është e lehtë”.

“Ai ka shkuar në Lazio dhe duhet të jetë i qetë, të këtë durim dhe të punojë, por është e qartë se ne e njohim Muriqin dhe mund të shkëlqejë”, deklaroi fillimisht ai.

Challandes u pyet pse Samir Ujkani ishte para Betim Halimit dhe Visar Bekajt.

“Pas Maltës kemi dy ndeshje dhe është e qartë se Bekaj dhe Halimi mund të luajnë në këto dy ndeshje”.

“Muric është i sëmurë dhe Ujkani në këtë kohë është portieri ynë numër një. Do shohim në ndeshjen ndaj Maltës dhe në dy ndeshjet në Turqi mund t’i inkuadrojmë Halimin dhe Bekaj, nga një ndeshje”, nënvizoi Challandes.

Ndeshja e radhës për Kosovën është ndaj Maltës. /Telegrafi/