Këtyre ditëve të Kampionatit Evropian i keni parë të gjitha tryezat e lokaleve të shtruara me birra të ftohta që zëvendësojnë njëra-tjetrën, qofte, patatina e patate të skuqura, fruta të thata të kripura e gjithfarë ushqimesh të tjera të dëmshme për trupin.
Nëse ndeshja do të ishte një Ok, situata nuk kishte pse të ishte shqetësuese, por, meqenëse do të vazhdojë për një kohë të gjatë, për më tepër me më shumë se një ndeshje në ditë, në fund të Kampionatit, do ta gjeni veten me disa kilogramë më tepër dhe me kushedi sesa yndyra të këqija në trup.
Po ju propozojmë më poshtë disa alternativa më të shëndetshme. Sigurisht që nuk pretendojmë të hani pjata të sofistikuara por, të paktën, të mos jenë të dëmshme. Nëse duhet të keni patjetër mish në tryezë, zgjidhni filetat e pulës të gatuara në variante të ndryshme.
Sidoqoftë, nëse ju duken shumë “të pastra”, mund të kaloni te krahët, edhe këto të fundit janë shumë më të shëndetshme sesa qoftet, përbërja e të cilave nuk dihet. Në vend të patateve të skuqura, porosisni ato të furrës, që mund t’i shoqëroni me salcë kosi në vend të majonezës apo salcave të tjera.
Brusketat e të gjitha llojeve, përfshi këtu edhe ato me perime, janë zgjidhje shumë më e zgjuar sesa picat e tejmbushura me yndyrën e djathit. Në rast se do keni zgjedhur vendin e duhur, të përshtatshme do të ishin edhe tartat e ftohta me perime apo thjesht me djathë të bardhë, domate e borzilok.
Përpiquni të evitoni antipastat me djathëra të ndryshme e proshuta, duke konsumuar djathë të bardhë apo të butë, siç është mocarela, citon kp. Me këtë të fundit mund të bëhet një sallatë kapreze më e lehtë dhe e shijshme.
Në rast se nuk bëni dot pa frutat e thata, zgjidhni ato pa kripë të shtuar, pra, në vend të bajameve me kripë, zgjidhni ato pa. Kikirikët janë më të mirë nëse përdorni ata me lëvozhgë, gjithashtu pa kripë. Ky është edhe një kujdes dhe masë që duhet të marrin baret e restorantet por, për sa kohë ato nuk e bëjnë, kujdesuni për veten tuaj. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën