“Çfarë iu duhet Mbappe kur e kanë Viniciusin” – legjenda madrilene e vlerëson më lartë në çdo aspekt brazilianin se sa francezin

Ish-mesfushori i Real Madridit, Jose Maria Gutierrez Hernandez, i njohur më shumë si Guti, tha se për të Vinicius Junior është një futbollist pakrahasueshëm më i mirë se Kylian Mbappe dhe se francezi nuk është i nevojshëm për mbretërorit.

Kylian Mbappe aktualisht është anëtar i Paris Saint Germain dhe ka kontratë me kampionin francez deri në qershor të vitit 2025.

Verën e kaluar emri i tij u lidh me klubin mbretëror, por francezi vendosi të vazhdojë kontratën me parisienët me një rritje të konsiderueshme të të ardhurave.

Në një intervistë, Guti ka krahasuar ndeshjet e Mbappes dhe Vinicis dhe për të nuk ka dyshim se kush është futbollisti më i mirë.

Lexo po ashtu Gavi dhe Vinicius, dueli i madh në El Clasico: Kjo ishte përplasja e tyre në fushë dhe duke shkuan në dhomat e zhveshjes

“Nuk e di pse Reali e dëshiron Mbappen kur ka Viniciusin. Mbappe është një lojtar i madh, por Vinicius është më i mirë. Ai është më i shpejtë, teknikisht më i mirë, shënon më shumë gola, ka më shumë asistime. Braziliani është më vendimtar dhe forma e tij aktuale është e pabesueshme”, ka thënë Guti.

Ai shtoi se Vinicius mund të jetë një “Zot i futbollit” nëse vazhdon kështu.

Lexo po ashtu Vinicius Jr i papërmbajtshëm ndaj Barcelonës – Araujo, Kounde dhe Garcia ishin viktima të driblimeve të jashtëzakonshme të brazilianit

“Ai u jep frikë lojtarëve kundërshtarë. Nëse ai ka më shumë qëndrueshmëri në pasimin e tij të fundit, ai do të bëhet një zot i futbollit. Realit i duhet Vini më shumë se Mbappe”, përfundoi Guti.

Jose Maria Gutierrez Hernandez luajti për Realin pothuajse gjatë gjithë karrierës së tij, pasi në fund ishte edhe te Besiktasinë vitin 2011. /Telegrafi/