Çfarë është ‘Horizon Worlds’, aplikacioni social i realitetit virtual i lansuar nga Meta Facebook?

Pas ndryshimit të emrit nga Facebook Inc. në Meta Inc. në tetor të këtij viti, kompania lansoi aplikacionin e saj të parë të lojës sociale të realitetit virtual VR.

Facebook tani njihet si Meta, dhe kompania e bëri emrin e saj në botën e realitetit virtual (VR) dhe realitetit të shtuar (AR).

Duke hyrë në botën e re, Meta ka prezantuar tashmë aplikacionin e parë të lojërave sociale VR ‘Horizon Worlds’.

Sipas Meta, përcjell Telegrafi, aplikacioni i ri i lojërave sociale VR fillimisht u prezantua falas për personat mbi 18 vjeç në Shtetet e Bashkuara dhe Kanada, por së shpejti do të shtrihet në vende të tjera.

Facebook njoftoi lansimin e aplikacionit në vitin 2019, por pas një vonese të gjatë, ai tashmë është prezantuar fillimisht në Shtetet e Bashkuara.

Horizon Worlds është në fakt një aplikacion lojërash i realitetit virtual që mund të ekzekutohet përmes një “kufjeje”.

Për të përdorur aplikacionin, ju duhet të keni një llogari në Meta Platforms, pra në Facebook ose Oculus, dhe aplikacioni ka një shumëllojshmëri lojërash.

Aplikacioni i lojës gjithashtu ka veçori ose lojëra që njerëzit mund t’i përdorin për të fituar para gjatë krijimit të rrjetit të tyre social.

Pritet që aplikacioni i lojës të prezantohet në Evropë dhe më vonë në vendet aziatike në muajt e ardhshëm. /Telegrafi/