Çfarë dihet për bisedimet e para SHBA-Rusi për luftën në Ukrainë?

Zyrtarët amerikanë dhe rusë e përfunduan raundin e parë të bisedimeve mbi luftën në Ukrainë.

Kjo e fundit nuk ishte pjesë e bisedimeve mes SHBA-së dhe Rusisë të zhvilluar në kryeqytetin e Arabisë Saudite, Riad.

Këtu është një përmbledhje e shkurtër e gjithçkaje që ka ndodhur gjatë bisedimeve të sotme mes palëve, shkruan skynews.

Zyrtarët amerikanë dhe rusë mbajtën një takim në Riad që zgjati katër orë e gjysmë;

Ndihmës i Kremlinit, Yuri Ushakov, tha se u diskutuan kushtet për një takim mes Donald Trumpit dhe Vladimir Putinit, por nuk u ra dakord për një datë;

Departamenti amerikan i Shtetit tha se u ra dakord për të krijuar një “mekanizëm konsultimi për të adresuar mosmarrëveshjet në marrëdhëniet SHBA-Rusi”;

Marco Rubio dhe Sergey Lavrov ranë dakord për të emëruar ekipe të larta për të filluar punën mbi një rrugë për të përfunduar luftën në Ukrainë sa më shpejt të jetë e mundur;

Rubio tha se objekti i bisedimeve të ardhshme është sigurimi i një paqeje për Ukrainën që të jetë “e drejtë, e qëndrueshme, e pranueshme për të gjitha palët”;

Ai shtoi se ishte “i bindur” që Rusia ishte “e gatshme të fillojë të angazhohet në një proces të serioz” për të përfunduar luftën;

Zyrtarët gjithashtu ranë dakord për rikthimin e stafit të ambasadave;

Ministri i Jashtëm i Rusisë, Sergey Lavrov, tha se “dislokimi i trupave të NATO-s në Ukrainë, madje edhe nën flamuj të tjerë, është i papranueshëm për Rusinë”. /Telegrafi/