Businessmag & AlbaniaTech organizojnë “Business Leaders 2024”

Viti 2024 ka qenë një periudhë e jashtëzakonshme për sipërmarrjen dhe inovacionin në Shqipëri, duke shënuar një progres të madh në transformimin e ideve dhe mundësive në rezultate konkrete.

Për të njohur dhe vlerësuar arritjet e këtyre pionierëve, Business Magazine Albania dhe AlbaniaTech prezantojnë konkursin “Business Leaders 2024”, një konkurs që nderon individët dhe bizneset që kanë kontribuar në ndërtimin e së ardhmes së ekonomisë dhe komunitetit shqiptar.

Me kategori që përfshijnë “sipërmarrësin e vitit”, “sipërmarrësen e vitit”, “startup-in e vitit”dhe“influencërin/en e vitit”, ky konkurs ofron mundësinë  për të nominuar dhe vlerësuar ata që kanë bërë ndryshimin këtë vit. Çdokush mund të japë zërin e tij përmes nominimeve, duke ndihmuar që meritat dhe arritjet të njihen dhe të frymëzojnë edhe brezat e ardhshëm.

Sipërmarrësi i vitit   

Në një botë digjitale, ajo që ka më shumë rëndësi për biznesin është sa të lumtur i bën klientët, sa vlerësohet puna juaj, sa e njohin markën tuaj dhe sa persona do t’i referonin shërbimet tuaja.

Këtë e zbulojmë në konkursin e hapur të Business Magazine dhe AlbaniaTech, “Business Leaders 2024”. Sipërmarrja është “motori” i cili mban gjallë ekonominë e një vendi. Ndaj, Business Magazine Albania merr nismën që, nëpërmjet jush, të vlerësojë sipërmarrësit që këtë vit kanë arritur të shndërrojnë sfidat në mundësi të reja!

NOMINO

Sipërmarrësja e vitit    

Ky ka qenë një vit sfidash dhe arritjesh për gratë sipërmarrëse shqiptare, të cilat kanë dëshmuar se kurajoja, vizioni dhe përkushtimi janë çelësi i suksesit në çdo industri. Në një treg të vogël, me konkurrenca të larta, ato kanë arritur jo vetëm të ndërtojnë biznese të qëndrueshme, por edhe të frymëzojnë komunitetin, duke sjellë një ndikim të prekshëm në ekonomi dhe shoqëri.

Për këtë arsye ne kemi vendosur të shtojmë më vete kategorinë “Sipëmarrësja e vitit”. Në kategorinë “Sipërmarrësja e vitit”, ne nderojmë gratë që kanë treguar lidership të jashtëzakonshëm, kanë lançuar projekte inovative, kanë krijuar vende të reja pune dhe kanë ndërtuar marka që janë bërë sinonim i suksesit dhe cilësisë.

Pse është e rëndësishme kjo kategori e re?

Për të njohur dhe vlerësuar gratë që kanë sfiduar normat tradicionale, duke i hapur rrugën brezave të rinj të grave të suksesshme në biznes. Kjo kategori është një thirrje për të gjithë të nominojnë gratë që na bëjnë krenarë dhe që e meritojnë të jenë shembuj për ne të gjithë.

NOMINO

Startupi i vitit

Viti 2024 ka sjellë çeljen e ideve inovative dhe lançimin e shërbimeve unike për vendin tonë të vogël me potencial të paimagjinueshëm!  Këtë vit le të zgjedhim startup-in i cili jua ka ofruar shërbimin më të mirë ndonëse në hapat e parë të zhvillimit, startup-in më premtues, startup-in më të angazhuar, apo atë të cilin besoni se do të jetë “unicorn-i” i ardhshëm shqiptar.

NOMINO

Influencëri/ja e vitit

Në botën e rrjeteve sociale dhe komunikimit digjital, ka një person që ka kapur  vëmendjen  dhe ka pëlqimin tuaj. A është një dashamirës i teknologjisë, i modës, apo një frymëzim në fushën e biznesit?

Nominoni atë influencër që është më shumë se një fytyrë e njohur – është një udhëheqës, një shfaqës idesh dhe një pjesë e jetës së përditshme. Ndani me ne çfarë e bën atë të dallojë nga të tjerët!

Le të bëjmë vitin 2024 një  tjetër vit të shkëlqyer për Shqipërinë dhe të njohim atë që bën këtë vend kaq të veçantë!

Rregullore

Nominimi zgjat deri më datë 10 dhjetor 2024.

– Ju duhet të shkruani një arsye të vlefshme për secilin nominim unik.

– Ju mund të nominoni nga 1 person/biznes në ditë.

– Ju mund ta ndani këtë link tek miqtë tuaj për të sugjeruar nominime.

NOMINO