Bursat e nisin një javë të qëndrueshme, investitorët presin takimin e FED-it

Bursat kanë shfaqur një optimizëm të moderuar gjatë sesionit të parë të kësaj jave, pasi investitorët po presin takimin e Rezervës Federale (FED).

Gjithashtu, në fokus të tregjeve janë edhe zhvillimet që kanë të bëjnë me sistemin bankar.

Gjatë fundjavës, FED, Banka Qendrore Evropiane, Banka e Anglisë, Banka Kombëtare e Zvicrës, Banka e Kanadasë dhe Banka e Japonisë njoftuan veprime të përbashkëta për të rritur likuiditetin në treg.

Veprimi vjen në një kohë që banka UBS ka shfaqur interes për të blerë Credit Suisse, por me një zbritje të madhe dhe me fshirje masive të borxhit.

Lexo po ashtu UBS pranon të blejë Credit Suisse për më shumë se 2 miliardë dollarë

Reagimi fillestar i tregut ka qenë pozitiv ndaj kësaj marrëveshjeje, por kujdesi është i lartë. Ngjarja kryesore e kësaj jave është takimi i FED-it, dhe investitorët presin një rritje të normës bazë të interesit me 25 pikë bazë. Në tregun e kriptovalutave, Bitcoin po tregtohet në mbi 28 mijë dollarë, ndërsa Ethereum po tregtohet në rreth 1,890 dollarë. /Telegrafi/