Burri në Indi përpiqet të puthë kobrën, kafshohet në fytyrë dhe tani po lufton për jetën

Një burrë është kafshuar në fytyrë nga një kobra pasi tentoi ta puthte dhe tani po lufton për jetën në spital.

Sipas mediave të huaja, përcjell Telegrafi, një video e postuar në Twitter nga AH Siddiqui tregon burrin nga shteti Karnataka duke u përpjekur të puthë kobrën.

Por ndërsa burri e mban gjarprin, zvarraniku hidhet përpara dhe e kafshon në gojë.

Më pas burri e lëshon gjarprin.

Fshatarë të tjerë mund të shihen duke u përpjekur për të kapur gjarprin shumë helmues, ndërsa ai “rrëshqet”.

A reptile expert who went to kiss a cobra and got bitten on the lip..
He tried to kiss the snake after rescuing it.
#Kiss #Cobra #CobraBite #Viral pic.twitter.com/Khbfc2vK3W

— AH Siddiqui (@anwar0262) October 1, 2022

Në një mbishkrim të videos, Siddiqui tha se burri ishte “një ekspert zvarranikësh” i cili shkoi të puthte kobrën pasi “e shpëtoi atë”.

Kobrat janë gjarpërinj shumë helmues dhe janë të pranishëm në Indi, Kinë jugore dhe Azinë Juglindore.

Ata konsiderohen si një nga gjarpërinjtë më vdekjeprurës në botë.

Ndërsa helmi i tyre nuk është më i fuqishmi në mesin e të gjitha llojeve të gjarpërinjve, sasia e administruar në një pickim të vetëm mund të jetë e mjaftueshme për të vrarë 20 njerëz. /Telegrafi/