“Kosova në një minutë” është video e krijuar me shumë përkushtim dhe sfida nga krijuesi i videove dhe fotografi Fitim Sopjani.

Videoja e cila u publikua sot në llogarinë e Sopjanit në Facebook, ka për qëllim promovimin e bukurive natyrore të vendit tonë, jo vetëm në rajon por edhe në botë.

Ura e gurit në Prizren, Biblioteka Kombëtare në Prishtinë, Brezovica, Ura e Vjetër e Gurit në Vushtrri, Autostrada “Arbën Xhaferi”, Ujëvara e Mirushes, Shpella e Gadimes, Liqeni i Batllavës, janë disa prej objekteve dhe atraksioneve turistike që shfaqen në këtë video një-minutëshe.

Projekti është përkrahur nga Presidenca e Kosovës.