Buburrecat do të zhduken nëse përdorni këtë metodë

Milingonat janë ndër insektet më bezdisëse gjatë verës. Dhe sapo një milingonë hyn në shtëpi, ka shumë gjasa që pas saj të vijnë edhe të tjera. Këto insekte shfaqen më shpesh në pranverë dhe verë, pasi mbretëresha e milingonave nis të lëshojë vezë.

Si rezultat, ndodh një “shpërthim i popullsisë” brenda foleve, gjë që i detyron disa milingona të largohen për të kërkuar ushqim jashtë.

“Kjo është arsyeja pse gjatë këtyre stinëve shihni më shumë milingona në shtëpi”, – raporton Mantis Pest Solution.

Shumë njerëz hezitojnë të përdorin ‘spreje’ kundër milingonave për shkak të erës së fortë kimike që ato lëshojnë. Por, fatmirësisht, ka disa mënyra shumë të thjeshta dhe thuajse pa kosto për t’i larguar përfundimisht milingonat nga shtëpia.

Përdorni ujë të vluar

Ekspertët nga Healthline sugjerojnë që nëse keni vrima të milingonave jashtë apo pranë shtëpisë – sidomos në kopësht – duhet të hidhni ujë të vluar në to.

Ata sqarojnë:

“Kjo metodë është efektive dhe vret menjëherë shumë prej milingonave që ndodhen brenda”.

Megjithatë, edhe pse foletë mund të duken të vogla, kolonia poshtë tyre është zakonisht shumë më e madhe. Pra, një herë ujë i valë nuk do të jetë i mjaftueshëm për të zhdukur të gjithë koloninë.

Prandaj, rekomandohet që të trajtoni çdo vrimë milingonash që shihni rreth shtëpisë.

Por kujdes: Këshilltarët nga Gravesham Borough Council paralajmërojnë se kjo është një zgjidhje afatshkurtër, e cila mund të dëmtojë fole më shumë sesa ta zhdukë plotësisht.

Limonët

Një tjetër mënyrë efektive për të larguar milingonat është përdorimi i limonëve, të cilët mund t’i blini shumë lirë – rreth 30 cent për një ose 90 cent për një qese të tërë në supermarkete.

Sipas Healthline:

“Mund të spërkatni ose të fshini sipërfaqet me lëng limoni për të larguar milingonat, pasi kjo heq gjurmët që ato lënë me feromone dhe maskon erën e ushqimit”.

Limonët janë një zgjidhje natyrale shumë e mirë. Madje, edhe lëkurat e limonit mund t’i ruani në dollapë, pasi ato ndihmojnë në largimin e milingonave nga kuzhina dhe i pengojnë të vendosen aty.