Shqipëria ka bërë detyrat e shtëpisë për t’u ulur në tryezën e bisedimeve për t’u anëtarësuar në Bashkimin Evropian.
Rikonfirmimi erdhi sërish nga dy përfaqësuesit e lartë të Komisionit Evropian, Joseph Borrell dhe Oliver Varhely pas përfundimit të takimi të radhës të Këshillit të Stabilizim-Asociimit Shqipëri-BE.
“Nuk ka ende një datë për konferencën e parë ndërqeveritare. E kemi diskutuar këtë çështje dhe kemi shprehur dëshirën tonë që kjo konferencë ndërqeveritare të ndodh sa më parë të jetë e mundur”, u shpreh Joseph Borrell.
“Sot ne kemi diskutuar ecurinë e Shqipërisë dhe gjetja jonë është që Shqipëria i ka përmbushur kushtet”, tha Varhely.
Pavarësisht lëvdatave, vendi ka një sfidë përpara që të bindë edhe vendet skeptike, zgjedhjet parlamentare të 25 prillit ku thirrja e Brukselit ishte e njëjtë me atë të amerikanëve.
“Ne theksojmë nevojën që listat e kandidatëve të kenë njerëz me integritet. Kjo është kyçe që të tregojë që vendi dëshiron vërtetë ta luftojë korrupsionin”, u shpreh Borrell.
Kritikat ndaj Brukselit që përsërit prej muajsh për shpërndarjen e vaksinave antiCOVID, kryeministri Edi Rama, ia tha në sy edhe zyrtarë të lartë të BE-së.
“Ne e vlerësojmë përpjekjen e komisionarit për të qenë në anën tonë në këtë moment kaq delikat kur ne, Shqipëria dhe vendet e tjera të rajonit u lamë mënjanë në shpërndarjen e vaksinave”, u shpreh kryeministri Rama.
Këtë herë vërejtjet shqiptare duket se nuk ranë në vesh të shurdhët. “Natyrisht nuk kemi harruar dhe nuk po harrojmë Ballkanin Perëndimor. Ne po punojmë shumë ditë e natë që të arrimë t’i marrim këto vaksina dhe t’i çojmë në këto rajone”, tha Varhely, raporton A2.
Gjatë konferencës, Edi Rama shprehu nën rreshta frikën se çështjet e pazgjidhura mes Bullgarisë dhe Maqedonisë së Veriut, do të mbajnë peng edhe Shqipërinë.
“Kur bëhet fjalë për Maqedoninë e Veriut dhe Shqipërinë dhe për veçimin e tyre tanimë anasjelltas, shpresoj që kjo mos të ndodhë dhe të ecim bashkë në këtë drejtim. Megjithatë u tmerrova nga sekonda i parë që kuptova që kishin nisur diskutimet me bazë identiteti midis Maqedonisë së Veriut dhe Bullgarisë sepse është diskutimi më i keq i mundshëm që mund të zhvillohet në një kohë kur kërkohet konsensus nga të gjithë anëtarët e BE”, tha Rama.
Në përfundim të takimit palët dolën me një deklaratë të përbashkët ku vlerësuan arritjet në fushën e zbatimit të ligjit dhe rëndësinë dhe ngritjen e institucioneve të drejtësisë.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë