Brozovic do t’i padisë mediat që kanë spekuluar për një aferë mes tij dhe gruas së Icardit

Marcelo Brozovic ka vendosur të ndërmarrë veprime ligjore kundër atyre që kanë postuar lajme të rrejshme, sipas të cilave, ai ka pasur një aferë me gruan e Mauro Icardit.

Lajmet e rrejshme dhe shpërndarja e shpejtë në mediat sociale është bërë temë në vitet e fundit, ndërsa viktimë e tyre ka qenë edhe futbollisti i Interit.

Sipas pohimeve të këtij lloji, ai ka pasur një aferë me gruan e bashkëlojtarit të tij argjentinas, gjë të cilën e ka mohuar avokati i kroatit.

Lexo po ashtu Të gjitha lajmet për WANDA NARA

“Marcelo i kundërshton dhe i mohon kategorikisht këto lajme të rrejshme që kanë të bëjnë me gruan e bashkëlojtarit të tij, Wanda Nara, të cilat janë shpërndarë në ditët e fundit”.

“Asnjëherë nuk ka pasur ndonjë marrëdhënie as kurrfarë lidhjeje mes Brozovicit dhe zonjës Nara”.

“Brozovic dëshiron të hedhë dritë mbi ata që kanë hedhur dyshim mbi moralin e tij dhe integritetin profesional, prandaj do të ndërmarrë veprime ligjore kundër tyre”, ka thënë avokati i mesfushorit për ANSA.

Lajmet e tilla janë pranuar si të besueshme, duke qenë se në muajt e fundit ka pasur thashetheme për krizë në lidhjen mes Icardit dhe Wandas.

Lexo po ashtu Icardi rrëfen momentin si ia ‘mori’ gruan shokut Maxi Lopez (Foto)

Për më shumë, kur Mauro nisi lidhjen me gruan e tij të tanishme, ajo ishte e martuar me bashkëlojtarin e dikurshëm, Maxi Lopez. /Telegrafi/