Në takimin e liderëve të BB-së sot në Gjenevë, RCC-ja nënshkruan Memorandumin e Mirëkuptimit me Forumin Ekonomik Botëror për përshGjenevpejtimin e konkurrencës dhe novacionit rajonal.
“E di se nga këndvështrimi ynë ndonjëherë është e vështirë të kuptojmë se po jetojmë në kohërat e Revolucionit të Katërt Industrial në botë. Por, kjo është e vërteta, dhe rajoni ka nevojë për të gjithë stimujt e mundshëm për ta përballuar këtë revolucion, për ta pëdorur atë në interesin e tij më të mirë dhe të nxjerrë rritje dhe stabilitet ekonomik prej tij. Prandaj Memorandumi i Mirëkuptimit (MM) që po nënshkruhet sot nga RCC-ja me Forumin e njohur Ekonomik Botëror synon të ndihmojë rajonin që të mbërrijë atje – duke përshpejtuar reformat kur bëhet fjalë për konkurrencën dhe novacionin tonë”, tha Majlinda Bregu, Sekretare e Përgjithshme e Këshillit të Bashkëpunimit Rajonal (RCC) pas nënshkrimit të memorandumit me Borge Brende, President i WEF-së, e pranishme në takimin e Liderëve të BB-së dje në Gjenevë.
“Çështjet bilaterale kanë ndikimin e tyre negativ mbi bashkëpunimin rajonal dhe tani, përveç kësaj, kemi një dritë të kuqe dhe për ndikimin e anëtarësimit në BE. Integrimi rajonal nuk mund të ecë përpara pa integrimin në BE. Pra, sfidat para nesh do të jenë edhe më të mëdha: të forcojmë bashkëpunimin rajonal në kohërat e pasigurisë dhe të realizojmë pritshmëritë ndaj Procesit të Berlinit lidhur me integrimin e rajonit në BE. Dhe, ndërsa BB-ja po pret për ca qartësi lidhur me zgjerimin e BE-së, ne kemi nevojë të zgjerojmë bashkëpunimin midis gjashtë vendeve të BP-së. Të gjithë ne duhet ta kuptojmë qartë çfarë po ndodh me proceset e bashkëpunimit në rajon, sepse konfuzioni rreth kësaj teme do të shkaktojë më shumë ndikim negativ mbi bashkëpunimin rajonal”, tha Sekretarja e Përgjithshme Bregu pas takimit të liderëve.
“Rritja më e shpejtë ekonomike në Ballkanin Perëndimor është krijimi i një tregu të vetëm, ose i Zonës Ekonomike Rajonale – REA, siç e quajmë ne. Rajoni do të kursejë çdo vit 800 milion euro, rreth 1% të PBB-së së BP-së nëse koordinimi ndërkufitar në BP arrin mesataren e BE-së. Një REA funksionale ndihmon që ekonomitë të jenë konkurruese në shkallë të gjerë, novacioni përhapet më shpejt në një treg të unifikuar dhe nuk duhet të harrojmë se, kur bëhet fjalë për Ballkanin Perëndimor, ne flasim për një treg me 18 milion banorë. Kjo është arsyeja pse partneriteti me WEF-në është kaq i rëndësishëm – ai është një hap shtesë për nxitjen e Zonës Ekonomike Rajonale”, shtoi Bregu.
Bashkëpunimi me WEF-në parashikon nxjerrjen në pah të potencialit ekonomik të rajonit dhe përshpejtimin e përparimit ekonomik, nxitjen e partneritetit publik-privat dhe theksimin e reformave ekonomike për të përmirësuar ekosistemin e novacionit dhe konkurrencën e rajonit.
Ceremonia e nënshkrimit u zhvillua si shtojcë e takimit të liderëve të Ballkanit Perëndimor, i cili u përqëndrua tek e ardhmja e rajonit, duke diskutuar për nxitjen e bashkëpunimit rajonal dhe inkurajimin e pajtimit.
Takimi mblodhi së bashku liderët e rajonit, duke përfshirë Edi Ramën, Kryeministër i Shqipërisë, Denis Zvizdiq, Kryetar i Këshillit të Ministrave i Bosnjë-Hercegovinës, Zoran Pazhin, Zëvendëskryeministër i Malit të Zi, Zoran Zaev, Kryeministër i Maqedonisë së Veriut, Aleksandar Vuçiq, President i Serbisë, Boyko Borissov, Kryeministër i Bullgarisë, Andrej Plenkoviç, Kryeministër i Kroacisë, Marjan Sharec, Kryeministër i Sllovenisë.
Në takim morën pjesë gjithashtu edhe Josep Borrell, Nënkryetar në Detyrë i Komisionit Evropian, Matthew Palmer, Përfaqësues Special për Ballkanin Perëndimor, Mirosllav Lajçak, Ministër i Jashtëm dhe Çështjet Europiane i Republikës së Sllovakisë dhe anëtarë të nivelit të lartë të komunitetit ndërkombëtar. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Peci: Me arrestimin e zv.drejtorit të Policisë të Kosovës, Serbia ka bërë një autogol të madh
Kurti takoi nënkryetaret e Mitrovicës së Veriut, Zveçanit dhe Leposaviqit, flasin për regjistrimin e popullsisë
Fillon fushata për zgjedhjet kuvendare, elektrizohet skena politike në Maqedoninë e Veriut
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
U arrestua nga Serbia, lirohet zëvendësdrejtori i Policisë së Kosovës
Maltretimi i kosovarëve në Serbi, eurodeputetja holandeze i reagon Vuçiqit
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Gjuajtje me armë zjarri tek një pompë derivatesh në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin