Braziliania dërgoi një burrë të vdekur në bankë për të marrë kredi – si u kap në momentin e fundit prej punonjësve

Një grua në Brazil u arrestua më 16 prill pasi dyshohet se solli një burrë të vdekur në një bankë për të nënshkruar një hua prej 17,000 reale (mbi 3000 euro).

Erika de Souza Vieira Nunes u arrestua pasi dërgoi trupin e pajetë të 68-vjeçarit, Paulo Roberto Braga në një degë banke në Bangu, një lagje në Rio de Janeiro, raportoi gazeta braziliane O Globo.

Nunes u përpoq të kryente transaksionin, e cila ishte vërejtur nga një punonjëse e bankës që ndjeu se diçka nuk shkonte, bëri xhiron e mediave sociale pas arrestimit të saj.

“Xhaxha, po dëgjon? Duhet ta firmosni. Nuk mund të firmos për ty”, thotë ajo ndërsa vendos një stilolaps mes gishtave të tij, raportoi O Globo.

Më pas ajo dëgjohet duke i thënë të vdekurit “nënshkruani këtu dhe mos më jepni më dhimbje koke”.

Një punonjës banke dëgjohet duke i thënë gruas se “nuk mendoj se kjo është e ligjshme. Ai nuk duket mirë. Ai është shumë i zbehtë”.

Skena e çuditshme ngriti alarmin tek punonjësit e bankës, të cilët menjëherë thirrën një ambulancë dhe policinë.

Gruaja, e cila pretendonte se ishte mbesa dhe kujdestare e Bragas, u arrestua më vonë në bankë.

Autoritetet thanë se po kontrollojnë kamerat televizive brenda dhe jashtë bankës për të përcaktuar nëse gruaja ka vepruar vetëm apo me bashkëpunëtorë të tjerë. /Telegrafi/