Botoje librin që gjithmonë e ke ëndërruar, e ke dhuratë nga Dukagjini

Libraria Dukagjini dhe shtëpia botuese Dukagjini do të shpërblejnë një shkrimtar me libër të botuar.

Data e 4 majit shënon 21 vjetorin e themelimit të librarisë Dukagjini! Si çdo herë, ata nuk hezitojnë që t’i dedikohen një kauze për të festuar ditët e rëndësishme.

Kësaj radhe libraria Dukagjini, në bashkëpunim me shtëpinë botuese Dukagjini, ka vendosur që të përfshijë hallkën kryesore të zinxhirit: shkrimtarët! Me konkursin e fundit të organizuar, shkrimtarët ambicioz kanë mundësi që të tregojnë talentin e tyre. Falë kësaj mundësie, ju mund të botoni veprën tuaj me poezi.

Periudha e aplikimit fillon më 27 prill dhe mbaron më 4 maj.

 Ja si mund të bëheni pjesë e konkursit: 

– Duke dërguar poezitë e juaja tek Info@dukagjinibooks.com.
– Mos dërgoni më pak se 35 poezi.
– Mos dërgoni më shumë se 70 poezi.
– Libri duhet të dërgohet në formatin Word (Fonti: Times New Roman, Madhësia: 12, Hapësira: 1.5).

Pastaj bëheni pjesë e procesit përzgjedhës. Në këtë proces, kandidatët do të vlerësohen bazuar në:

– Pasurinë e gjuhës, figuracionit, dhe thellësinë e mendimit.

Shënim: teksti nuk është i determinuar sa i përket stilit ose variantit gjuhësor, sepse në art, nuk ka gjuhë me prestigj. Këto poezi do të vlerësohen nga një komision profesional i kritikëve letrarë. Dita e fundit për dorëzim është 4 maji.

Fituesi/ja do të ketë një libër të botuar me poezi. Në këtë shpërblim përfshihet:

– Redaktimi
– Lekturimi
– Dizajni
– Botimi
– Promovimi
– Marketingu
– Shpërndarja në libraritë në Kosovë, Shqipëri, dhe Maqedoni.

Për të gjithë ata që kanë pasion për poezi dhe ishin duke e pritur mundësinë e duhur, ja ku erdhi! Apliko sot dhe afrohu një hap më shumë drejt ëndrrës tënde!