Boshnjaku: Udhëtojmë për fitore në Skenderaj

Prishtina do të përballet me Drenicën në javën e 24-të në Vala Superligën e Kosovës.

Skuadra bardh e kaltër është aktualisht lider në elitën e futbollit kosovar me dy pikë më shumë se Drita.

Por barazimi ndaj 89-shit nuk i ka pëlqyer kryeqytetasve të cilët udhëtojnë drejt Skenderajt për fitore.

Mesfushori i Prishtinës, Lorik Boshnjaku ka folur për faqen e klubit para ndeshjes.

“Së pari, megjithëse mendoj se kisha paraqitje mjaft të mirë me Trepçën ’89, ende nuk jam në qind për qindëshin tim, por po mundohem të jap maksimumin për ekipin pasi e di që iu nevojitem dhe kanë nevojë për mua duke u munduar t’ia shpërblej besimin e trajnerit”.

“Ndërsa sa i përket ndeshjes me Trepçën ’89 tani më është ndeshje e harruar që mbetet mbrapa kështu që tani gjithë fokusin e kemi në përballjen me Drenicën e ku na pret duel i vështirë, sidomos kur e dimë që e kanë terrenin e rënduar”.

Boshnjaku thotë se në Skenderaj udhëtojnë për fitore.

“Por, sidoqoftë ne shkojmë vetëm për fitore dhe me angazhim maksimal të gjithsecilit kemi me arritur atë për çfarë shkojmë atje”, ka thënë mesfushori i cili gradualisht po rikthehet në formën e tij optimale, Lorik Boshnjaku. /Telegrafi/