Borussia Dortmund ka bërë ofertë për Lautaro Martinez, por presidenti i Racing Club, Victor Blanco, ka thënë se janë vonuar, pasi lojtari do të luajë për Interin.
Raportimet e fundit bëjnë me dije se klubi i Bundesligës, ka bërë ofertë në vlerë 32.5 milionë euro, më shumë se sa 26.8 milionë euro të Interit.
“Lautaro Martinez do të luajë për Interin”.
Lautaro Martinez. (Photo by Agustin Marcarian/Getty Images)
“Për fatin tonë të keq, Borussia Dortmund ka bërë ofertë shumë vonë. Kalimi te Interi është 99 për qind i sigurt, ku kanë mbetur edhe disa gjëra shumë të vogla”.
"Sa i përket Racingut, Lautaro Martinez është një lojtar i Interit. Mendoj se ka disa detaje që mungojnë mes lojtarit dhe Interit, duke përfshirë testet mjekësore, por lojtari ka nënshkruar tashmë me Interin”.
Lautaro Martinez te Racing Club . (Photo by Agustin Marcarian/Getty Images)
"I vetmi që mund të ndryshojë marrëveshjen është lojtari, sepse Racing ka përfunduar negociatat me Interin dhe marrëveshja është bërë”.
"Oferta e Borussia Dortmund arriti shumë vonë, ata nuk kanë asnjë mundësi", ka thënë presidenti Blanco për Sportia dhe La 990 Radio. /Telegrafi/
