BONEVET kërkon ofertë për transportin e nxënësve nga zona rurale në Prishtinë dhe Fushë Kosovë deri tek BONEVET

Fondacioni BONEVET (BONEVET) është një institucion edukativ jo-fitimprurës dhe jo formal që u themelua në vitin 2014 nga Fondacioni UNË E DU KOSOVËN nga Prishtina. BONEVET funksionon si një hapësirë për inovacion dhe krijimtari në katër qytete të ndryshme: Gjakovë, Prishtinë, Kaçanik dhe Kamenicë duke i stimuluar fëmijët e të gjitha moshave që të krijojnë, mësojnë, dhe studiojnë në një ambient që është miqësor dhe i fokusuar në zhvillimin e mendimit kritik, shkathtësive teknike dhe të buta.

Ky fondacion ka bërë kërkesë për ofertë me qëllim të kontraktimit të shërbimeve për transportin e nxënësve në grupe prej 8 vetash nga zona rurale në Prishtinë dhe Fushë Kosovë deri tek BONEVET dhe kthim. 24 grupe x 16 udhëtime për grup = 384 udhëtime brenda vitit.

Më poshtë i gjeni të dhënat në lidhje me këtë kërkesë për ofertë:

Përshkrimi i projektit

Fondacioni BONEVET Prishtinë do të implementojnë projektin “STEM Education for All”, i cili ka për qëllim mbajtjen e trajnimeve për fëmijë dhe të rinjë.

Ky grant është mundësuar nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA).

Lloji i shërbimit

BONEVET kërkon të kontraktojë shërbimet e:

1. Transportit të nxënësve në grupe prej minimum 8 vetash nga zona rurale në Prishtinë dhe Fushë Kosovë deri te BONEVET dhe rikthim.
2. Realizimi i 384 udhëtimeve kthyese në grupe prej minimum 8 vetash përgjatë një viti.

Rolet dhe përgjegjësitë e kompanisë së kontraktuar

– Në koordinim me BONEVET, të kontraktohen shërbimet e transportit të cekura si më lartë;

– Kompania kontraktuese koordinon kalendarin kohor të transportit për aktivitete në bazë të kërkesave të BONEVET dhe nevojave të projektit;

– Të sigurohet që kontrollet teknike të mjeteve të transportit të bëhen para çdo udhëtimi me fëmijë;

– Kompania e kontraktuar dhe personat përgjegjës për kryerjen e shërbimeve të transportit duhet të marrin pjesë në trajnimin për Politikën e Mbrojtjes së Fëmijëve.

Automjetet e transportit duhet të kenë:

• Të ketë rripa të sigurisë për secilën ulëse në mjet të transportit;
• Kutinë e ndihmës së parë;
• Pajisjet e nevojshme rezervë;
• Pajisjet e përshtatshme për sezonin e dimrit dhe sezonet e tjera;

Pritshmëritë e shërbimit dhe përfundimi i afateve

Kohëzgjatja e kontratës

Kohëzgjatja e kësaj kontrate fillon më 1.12.2021 deri më 25.10.2022.

Procesi i aplikimit

Kompanitë që janë të interesuara për këtë shërbim duhet të i dorëzojnë dokumentet si në vijim:

1. Një historik i shkurtë i kompanisë, duke përfshirë edhe informatat si më poshtë:

1. Emri i plotë ligjor i kompanisë;
2. Çertifikata e regjistrimit të biznesit;
3. Emri i plotë i përfaqësuesit ligjor të kompanisë;
4. Emri i plotë, emaili, dhe numri i telefonit të personit kontaktues;
5. Buxhet i detajizuar, me dhe pa TVSH të përfshirë;
6. Shembuj të punëve të mëparshme në shërbime të tilla, me dëshmi të të paktën 3
   shërbimeve të ngjashme.
7. Emrat, email adresat, dhe numrat e telefonit të së paku një referencë të bashkëpunimi të mëparshëm dhe miratimi për t’i kontaktuar këto referenca

Dokumentet e përmendura më lartë duhet të dërgohen jo më larg se deri më 17.11.2021 në ora 23:59 përmes email adresave: rinafetahu@bonevet.org dhe arbana@bone.vet. Dokumentet të cilat dorëzohen pas kësaj date nuk do të merren parasysh.

Procesi i vlerësimit

*Ky grant është mundësuar nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA). Përmbajtja dhe rekomandimet e paraqitura nuk përfaqësojnë qëndrimin zyrtar të Ministrisë së Punëve të Jashtme të Norvegjisë dhe Fondacionit Kosovar për Shoqëri Civile (KCSF).