Boliviani mbijetoi 31 ditë në xhunglën e Amazonës duke ngrënë krimba

Një burrë nga Bolivia tregoi se si arriti të mbijetojë për 31 ditë pasi humbi në xhunglën e Amazonës.

Sipas BBC, përcjell Telegrafi, Jhonattan Acosta, 30 vjeç, i humbi katër miqtë  e tij derisa ishte duke bërë gjueti në Bolivinë veriore.

Ai thotë se pinte uji shiu që e mblidhte duke mbushur këpucët e tij dhe hëngri krimba dhe insekte të tjera ndërsa fshihej nga jaguarët dhe nga një lloj gjitari si derri.

Acosta më në fund u gjet nga një grup kërkimi i përbërë nga vendas dhe miq një muaj pasi ishte zhdukur.

“Është e pabesueshme, nuk mund të besoj se njerëzit vazhduan kërkimin për kaq gjatë”, tha ai mes lotësh.

“Kam ngrënë krimba, kam ngrënë insekte, nuk do ta besoni gjithçka që duhej të bëja për të mbijetuar gjatë gjithë kësaj kohe”, deklaroi ai.

Ai hëngri gjithashtu fruta të egra të ngjashme për të mbijetuar.

“Falënderoj shumë Zotin, sepse më ka dhënë një jetë të re”.

Familja e tij tha se do t’i duhej ende të bashkonin të gjitha detajet se si Acosta humbi dhe si arriti të qëndronte gjallë, por se ata do ta pyesnin gradualisht, derisa rikuperon veten. /Telegrafi/