Blick shkruan për banderolat dhe fishkëllimat drejt Andi Zeqirit: Tregon pse ndodhi kjo

Sulmuesi i Zvicrës, Andi Zeqiri, ishte emri më i lakuar në ndeshjen Zvicër-Kosovës, gjë që ka tërhequr edhe vëmendjen e medieve zvicerane.

Blick shkruan se sulmuesi Andi Zeqiri, ndeshjen kundër atdheut të prindërve të tij, nuk e kishte pritur kështu, pasi nga tribunat u dëgjuan zhurma dhe fishkëllima kur ai u zëvendësua.

Ai luajti për më shumë se 10 minuta në ndeshjen që Zvicra dhe Kosova e mbyllën baras (1-1).

Zhvillohej minuta e 80-të e ndeshjes: tifozët të shumtë të Kosovës filluan fishkëllimat në stadiumin Letzigrund. Arsyeja: Zëvendësimi i Andi Zeqirit.

Ndryshe nga Shaqiri dhe Xhaka, shqiptari i tretë që luan për Zvicrën u fishkëllye në çdo kontakt me topin. Kjo pasi tifozët e Kosovës kishin shpresa të mëdha se sulmuesi do të luante për vendin e tyre dhe për këtë kishin përgatitur edhe një banderolë.

Blick për situatën e krijuar në stadium që tu jap më shumë shpjegime lexuesve, e ka publikuar edhe një deklaratë të  kryetarit të FFK-së, Agim Ademi, i cili ka ende nuk mund ta kuptojë pse Zeqiri zgjodhi Zvicrën.

Blick shkruan se Ademi ka pozuar me lojtarin dhe një fanellë të Kosovës në vitin 2020.

“Sigurisht që isha i zhgënjyer. Nuk është e duhura që dikush të thotë ‘Po, po, po’ dhe pastaj ta anulojë në momentin e fundit. Unë dua që gjëra të tilla të jenë të drejta dhe të ndershme. Nuk kam çfarë të them më për këtë”, kishte thënë Ademi për rastin e Zeqirit.

Zeqiri më herët kishte theksuar se vendimi nuk ishte i lehtë për të, por se zgjodhi vendin që i hapi derën. /Telegrafi/