Në Ditën Ndërkombëtare të Punëtorëve disa përfaqësues të bizneseve të vogla në kryeqytet sot kanë protestuar para objektit të komunës së Prishtinës për lejimin e shfrytëzimit të hapësirave publike.
Përfaqësuesit e këtyre bizneseve kanë mbajtur në duar disa pankarta me mbishkrime “Neglizhenca juaj detyrim për migrim ndaj neve”, “Stop diskriminimit ndaj bizneseve të vogla” dhe “A ka drejtësi në këtë vend”.
Përfaqësuesi i Shoqatës së Bizneseve të Vogla në Prishtinë, Sadudin Hasani tha se tash e 1 vit e gjysmë kanë bërë kërkesë që komuna t’u lejoj vendosjen e frigoriferëve, por një gjë e tillë siç u shpreh ai nuk ka ndodhur.
Hasani tha se largimi i frigoriferëve tek kioskat i ka dëmtuar shumë këto biznese.
“Qëllimi i protestës është për kushte më të mira në punë. Ne më herët kemi pas frigoriferët dhe na i ka largua komuna ku na ka udhëzua me bërë kërkesë për leje, kemi bërë kërkesë për leje, por nuk na ka pajisur dhe as nuk na ka lejuar me i vendosur neve si kioska, ndërsa bizneset tjera. Na ka dëmtuar jashtëzakonisht shumë duke e ditur se biznesi kryesor gjatë verës janë pijet nuk kemi pas diçka të kundërligjshme. Ne luftë me komunën nuk mund të bëjmë, e jona është me bërë protestë paqësore me qellim që më i thirrur këta mendjen dhe me bë një analizë dhe me pa që janë gabim”, tha Hasani.
Po ashtu, ai u shpreh se ndonëse kishin një pajtim me drejtorin e Inspektoratit për vendosje të frigoriferëve, ata përsëri janë gjobitur.
Ai teksa paralajmëroi protesta të tjera, shprehu kërkesën karshi Komunës së Prishtinës për dhënien e lejeve për kioskat dhe lejimin e 2 deri 4 frigoriferëve.
“Kërkesat tona janë që komuna të na i vazhdojë lejet e kioskave dhe që komuna të na pajisë nëse merr kohë kjo çështja e lejeve të kioskave së paku të na lejon t’i kemi nga 2 apo 4 frigoriferë. Ne i kemi bërë kërkesat në komunën e Prishtinës nëse një biznesi të madh apo të mesëm i lejohet me i shfrytëzua 200 metra katror si nuk po gjendet mundësia që neve bizneseve të vogla me na u lejua 10 metra katror, kjo është ajo që ne kërkojmë drejtësi në këtë vend”, tha ai.
Nënkryetari i kësaj shoqate, Enver Gashi tha se me largimin e frigoriferëve për 60 për qind është zvogëluar qarkullimi i biznesit të tyre.
Ai tha se kjo situatë ka ndikuar edhe në gjendjen shëndetësore të shumë kolegëve të tyre.
“Kam dal më së shumti për t’i mbrojtur rininë mos të dalin jashtë dhe nëse nuk na mundësojnë të punojmë edhe t’i mbajmë fëmijët brenda le të vijnë sot le t’i marrin dhe t’i largojnë nuk është problem. Tre prej shokëve tanë i kemi në spital që 40 vjet kanë punuar me këtë profesion. Prej traumave e ngarkesave të mëdha krejt kanë kredi e obligime asnjë nuk mund t’i siguroj paratë”, tha Gashi.
Sot edhe në Kosovë po shënohet 1 Maji, Dita Ndërkombëtare e Punëtorëve. Po në këtë ditë krahas kësaj protestë është paraparë edhe një protestë tjetër e Federatës Sindikale të Punëtorëve Teknik të Sektorit Privat të Kosovës të cilët po kërkojnë rritje pagash. /KP/
Lufta Prigozhin - Putin
Më shumëNga Rubrika
Drejtori i Doganës së Kosovës në takim me drejtorët e përgjithshëm të doganave të Evropës
Osmani: Programi Kompakt, simbol i mbështetjes së SHBA-së për Kosovën
Lansohet programi Kompakti MCC-Kosovë mbi 236 milionë dollarësh për përmirësimin e energjisë elektrike
Lansohet programi Kompakti MCC-Kosovë mbi 236 milionë dollarësh për përmirësimin e energjisë elektrike
N’BAU krejt i gjen me zbritje këtë javë!
Kosova arrin vlerësimin e parë kreditor sovran, Rukiqi i LDK-së: Duhet të shqetësohemi për kategorinë BB-
Elon Musk është 36 miliardë dollarë më i pasur që nga kthimi nga udhëtimi i tij në Kinë
Rotary Club Prishtina Garden, klubi më i ri i Rotary në Kosovë
Relaksim në përjetësi, me “Holiday In 2” t’gjitha i ki
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri