Matthew Tyler Vorce konfirmoi këtë javë se ai dhe këngëtarja Billie Eilish janë ndarë, por ai mohoi thashethemet që qarkullonin në rrjetet sociale se e ka tradhtuar atë.
“Askush nuk e ka tradhtuar askënd”, ka postuar ai në InstaStory. “Marrëdhëniet marrin fund. Shumë e thjeshtë. Krijimi i thashethemeve dhe gënjeshtrave në internet është e rrezikshme”.
Aktori gjithashtu reagoi ndaj fansave të Eilish, të cilët vërshuan Instagramin e tij me komente mizore, raporton Page Six.
Billie Eilish (Foto: AFP)
“Fakti që mijëra njerëz marrin kohë nga dita e tyre për të shkruar gjërat më të urryera për dikë që nuk do t'i dinë kurrë postimet e tij është gjëja më frikshme që mund të bëni”, shtoi ai.
"Jeto jetën tënde”, tha më tej ai.
Matthew, i cili është shfaqur në filmin televiziv “Mother”, ka qenë një romancë me Eilish që nga viti i kaluar.
Billie Eilish (Foto: Instagram)
Sipas The Mirror, dyshja arritën ta mbanin lidhjen e tyre private.
Thashethemet filluan pasi ata shijuan një sërë takimesh, me fansat e Billie që spekuluan se Matthew ishte 'i dashuri i fshehtë' që ajo përmendi në dokumentarin e saj të vitit 2021 “Billie Eilish: The World's a Little Blurry”. /Telegrafi/
Billie Eilish (Foto: Page Six)
