Bill Gates largohet nga bordi i Microsoft

Bill Gates, bashkëthemelues dhe ish CEO i Microsoft, po tërhiqet nga bordi i kompanisë.

Gates më parë shërbeu si Drejtor i Përgjithshëm i Microsoft deri në vitin 2008 kur ai u tërhoq nga pozicioni në mënyrë që të kalonte më shumë kohë në fondacionin Bill dhe Melinda Gates.

Sipas medieve të huaja, përcjell Telegrafi, largimi i Gates nga bordi si duket është për shkak të motivimeve të ngjashme, me një njoftim për shtyp që njofton lajmin duke cituar dëshirën për të “kushtuar më shumë kohë përparësive të tij filantropike”.

Gates do të shërbejë akoma si “këshilltar teknologjik” i CEO aktual Satya Nadella, një rol që ai filloi në vitin 2014 me kërkesën e Nadella kur u tërhoq nga posti i tij si kryetar i bordit të Microsoft.

“Është një nder dhe privilegj i jashtëzakonshëm të punosh me të dhe të mësosh nga Bill ndër vite. Bill themeloi kompaninë tonë me një besim në forcën demokratizuese të softuerit dhe me një pasion për të zgjidhur sfidat më të ngutshme të shoqërisë. Dhe Microsoft dhe bota janë më të mirë për shkak të tij”, komentoi Nadella në një deklaratë.

“Bordi ka përfituar nga udhëheqja dhe vizioni i Billit. Dhe Microsoft do të vazhdojë të përfitojë nga pasioni dhe këshilla teknike e vazhdueshme e Bill për të drejtuar produktet dhe shërbimet tona përpara. Unë jam mirënjohës për miqësinë e Billit dhe mezi pres të vazhdoj të punojë së bashku me të për të realizuar misionin tonë për të fuqizuar çdo person dhe çdo organizatë në planet për të arritur më shumë”. /Telegrafi/