Biftekë viçi me kungulleshka

Përbërësit:

* 1 kilogram mish viçi tul
* 3 kungulleshka të reja
* 150 gramë feta kaçkavalli
* 100 gramë pure domatesh
* 2 decilitra ajkë
* 2 vezë
* 1,5 decilitër qumësht
* 0,5 decilitri vaj
* erëza të përziera, piper i zi

Përgatitja:

1. Mishi tul i viçit pritet në biftekë, ata tëhollohen me çekan druri dhe u hidhen erëza, kripë e piper i zi, sipas shijes. Biftekët pastaj fërgohen në vaj të nxehtë, derisa të skuqen.

2. Kungulleshkat pastrohen, u priten majat dhe pasta, me ndihmë të thikës për qërim, priten në rriska të holla.

3. Biftekët e fërguar lyhen me pure domatesh, mbulohen me fetë kaçkavalli dhe secili biftek veç e veç mbështillet me rriska të kungulleshkave.

4. Në enë të veçantë tunden ajka, vezët dhe qumështi.

5. Ena rezistuese ndaj zjarrit lyhet me vaj dhe aty renditen biftekët e mbështjellë, njërin skaj tjetrit, në atë mënyrë që të preken njëri me tjetrin.

6. Përmbi biftekë derdhet përzierja me ajkë, vezë e qumësht dhe piqen, derisa të skuqen, në furrën e nxehtë në 200 gradë Celsius. /Telegrafi/