Besoni apo jo, humusi mund të jetë i dëmshëm: Pureja më e shëndetshme mund të shkaktojë inflamacion të zorrëve, ja pse

Humus është një nga ushqimet më të shëndetshme në natyrë për shkak të përfitimeve të shumta që ka. Megjithatë, ajo që habiti shumicën e njerëzve është se kjo pure mund të dëmtojë trupin dhe të rrezikojë shëndetin

Është e vërtetë, thotë dietologia Hayter Hanks, se konsumimi i tepërt i kësaj lyerjeje çon në inflamacion të zorrës së trashë dhe traktit tretës, transmeton Telegrafi.

“Humusi është bërë nga qiqrat, që u përkasin bishtajoreve. Shumica e njerëzve e kanë të vështirë ta tretin këtë ushqim dhe mund t’u shkaktojë inflamacion të traktit gastrointestinal”, thotë dietologia.

Përgjigjja e trupit ndaj konsumit të tepërt të humusit është përgjigje biologjike, e cila ndodh kur trupi bie në kontakt me një sasi të madhe të qiqrave.

Gratë duhet të konsumojnë 21, ndërsa burrat 30 gramë nga kjo pure në baza ditore. Nëse gëlltiten më shumë se 70 gram, mund të jetë e rrezikshme dhe të shkaktojë probleme me tretjen.

“Disa njerëz janë mësuar me bishtajore dhe fibra, ndërsa disa jo. Nëse sapo keni filluar të hani humus, filloni me disa lugë të vogla dhe pini shumë ujë. Kjo do të ndihmojë trupin dhe do të përshpejtojë rrjedhën normale të humusit përmes trupi. Ky ushqim është i sigurt, por konsumi mund të ekzagjerohet, “shpjegoi dietologia Kelsey Lorenz.

Çfarë është salca humus?

Kjo salcë është shpikur në Lindjen e Mesme.

Qiqrat janë legume që bëhen shumë kremoze nëse përpunohen në mikser, veçanërisht kur kombinohen me tahinin dhe vajin e ullirit.

Tahini njihet si pluhuri i farave të pjekura të susamit. Lëngu i limonit vendos ekuilibrat e athtësisë ndërsa hudhra shërben për të plotësuar shijen.

/Telegrafi/