Besart Ibraimi shpallet lojtari dhe golashënuesi më i mirë në Maqedoni (Video)

Vajza e vogël e Besart Ibraimit, Erina, ishte në qendër të vemendjës në mbrëmjen gala të organizuar nga ana e Federatës së Futbollit të Maqedonisë për më të mirët në vend, pasi në mungesë të babait të saj në këtë eviniment ajo u ngjit në skenë së bashku me gjyshin që t’i merr dy çmimet kryesore të natës si “Futbollisti më i mirë i vitit” dhe “Golashënuesi më i mirë”, përcjell Telegrafi Maqedoni.

“Mirmbrëma të gjithëve. Më lejoni të ju përshëndes në emër të birit tim, Besart Ibraimi, i cili për shkaqe shëndetësore nuk kishte mundësi të merrte pjesë në këtë ceremoni madhështore. Ky çmim nuk është vetëm i Besartit, por ky çmim i dedikohet edhe klubit futbollistik të Shkëndijës, si dhe kryesisë së Federatës së Maqedonisë. Faleminderit të gjithëve”, deklaroi babai I Besartit, Gani Ibraimi.

Sipas Tv Shenja, vëmendje të madhe në këtë natë tërheqën edhe futbollistët e përfaqësueses së Maqedonisë U21, të cilët u nderuan me çmim special nga FFM, për kualifikimin historik në Kampionatin Evropian për moshat deri në 21 vjet, ndërsa seleksionuesi i kësaj përfaqësuese, Blagoja Milevski u përzgjodh trajneri më i mirë i vitit.

“Suksesit të U21-shit iu është gëzuar i gjithë shteti, pasi është hera e parë që Maqedonia bëhet pjesë e një Kampionati Evropian. Ne ishim dëshmitar këtu, ku dhe federata e futbollit na vlerësoi me këto çmime që na dorëzoi, ne jemi krenar të gjithë lojtarët që jemi pjesë e kësaj gjenerate të parë që kemi arritur në kampionatin evropian dhe besoj që do të vazhdojmë me sukseset e reja për Maqedoninë”, tha Besir Demiri, futbollist i U 21.

Ndërkohë nga çmimet më prestigjioze mund të veçojmë edhe Ilija Nesterovski si “Futbollisti më i mirë jasht vendit”, Elif Elmaz si “Futbollisti më i mirë i ri”, Dimitar Meçkarovski “Referi më i mirë”, Igor Leovski “Lojtari më i mirë në futsal”, e Afordita Salihi “Golashënuesja më e mirë në futbollit për femra”. Federata e futbollit të Maqedonisë për çdo vit organizon ceremoni të veqant për ndarjen e çmimeve për më të mirët e futbollit në vend./Telegrafi/