Benitez flet për garën e titullit në Serie A, zbulon dy skuadrat favorite

Ish-trajneri i Interit dhe Napolit, Rafael Benitez sugjeroi që Nerazzurrët dhe Juventusi janë aktualisht ‘superior’ ndaj Milanit përpara sezonit 2022/23 në Serie A.

Kuqezinjtë fituan Scudetton e tyre të parë në një dekadë sezonin e kaluar nën drejtimin e Stefano Piolit, duke përfunduar dy pikë përpara rivalëve lokal, Interit.

Juventusi u rikuperua pas një gjysmë të dobët të sezonit dhe përfundoi i katërti, 16 pikë prapa Milanit fitimtar.

Pas një afati interesant të transferimeve verore, skuadrat kryesore janë përsëri gati për të luftuar për Scudetto këtë sezon.

Lexo po ashtu Roberto Mancini flet për garën e titullit në Serie A

Duke folur për La Gazzetta dello Sport, Benitez dha mendimet e tij për garën për titull këtë sezon dhe cilat skuadra mbajnë avantazhin.

“Interi dhe Juventusi, ata janë në rreshtin e parë. Pastaj Milani është solid, e pamundur të mos konsiderosh kampionë, por dy të tjerët janë superiorë për momentin”, ka thënë fillimisht Benitez.

“I vlerësoj nënshkrimet e Juves, Di Maria dhe Bremer. Kujdes edhe për Napolin, dhe sa mbresëlënëse është Roma. Me ardhjet e reja, mendoj se Mourinho ka një detyrim të këndshëm për të luftuar për titullin”, përfundoi spanjolli.

Rafa Benitez: “Inter e Juve davanti al Milan per lo scudetto” https://t.co/R2EMLj511n

— TuttoJuve.com (@TUTTOJUVE_COM) August 11, 2022

Një nga skuadrat më mbresëlënëse në afatin kalimtar ka qenë Roma, e cila e ka forcuar ndjeshëm skuadrën e saj duke marrë lojtarë si Paulo Dybala, Georginio Wijnaldum dhe Nemanja Matic.

Milani, nga ana tjetër, ka pasur një verë më të nënvlerësuar dhe Charles De Ketelaere ka qenë ardhja e tyre më emocionuese.

Interi shpreson se rikthimi i Romelu Lukakut do të bëjë diferencën në garën për titull dhe Juventusi ka zgjedhur faktorë të njohur si Paul Pogba dhe Angel Di Maria për të mbështetur skuadrën e tyre. /Telegrafi/