Benatia: Ronaldo s’është normal

Medhi Benatia ka thënë se kur e ka parë Cristiano Ronaldon për herë të parë në stërvitje te Juventusi kishte mbetur i befasuar.

Marokeni që aktualisht luan te Al-Duhali në Katar ka folur për mentalitetin e 34-vjeçarit, duke  përshkuar si një njeri jo normal.

“Ishim duke u kthyer nga Bergamo, pasi ne të dy nuk kishim luajtur ndaj Atalantas dhe ishim në bankën rezervë, pasi tri ditë më vonë kishim një ndeshje tjetër”, ka thënë Benatia.

“Në autobus, derisa po ktheheshim, Ronaldo më tha mua” ‘Çfarë do të bësh posa të kthehemi atje?’ Unë iu përgjigja: është 11 i natës, po shkoj në shtëpi, pse?”.

“Ai më tha: Dëshiron që të kemi një stërvitje të vogël? Nuk jam djersitur në këtë ndeshje, duhet të stërvitem, dëshiron të më bësh shoqëri?”.

“U dash t’i them se kjo gjë nuk ishte e mundur, doja vetëm të shkoja në shtëpi, të qëndroja ulur dhe të shikoja TV”.

Lexo po ashtu Mendes: Ronaldo mund ta mbyll karrierën te Juventusi

“Ai insistoi, duke thënë se ai e ka sakrifikuar jetën e tij për të qenë më i miri dhe se stërvitet më shumë se çdokush dhe çdo ditë”, ka zbuluar më tej marokeni.

Benatia shtoi më tej se 34-vjeçari nuk është një lojtar normal dhe se stërvitjet e tij janë tejet të mundimshme dhe në nivelo të lartë. /Telegrafi/