Ben Affleck rikthehet në fokusin e medieve me një pamje nostalgjike të memes së tij ikonike “Sad Affleck”, ndërsa u pa duke pirë cigare në Los Angeles, vetëm pak ditë pasi fëmija i tij, Fin, 16 vjeçe, shfaqi stil të ngjashëm.
Ylli i “Batman v Superman” dhe “Good Will Hunting”, 53 vjeç, u kap nga fotografët duke pritur makinën e tij në një dalje të zakonshme, duke u dukur i trishtuar dhe i lodhur, duke rikujtuar fotografinë legjendare të vitit 2016 që u bë virale në internet.
Affleck veshi një xhaketë gri mbi këmishë blu, pantallona kaki dhe çizme lëkure, ndërsa shijonte cigaren e tij, rikthim ky në estetikën e memës kult, shkruan DailyMail.
Aktori kishte lënë duhanin më shumë se 20 vjet më parë me ndihmën e hipnoterapistëve dhe mikut të tij Matt Damon, por duket se tani i është rikthyer zakonit.
Rikthimi në këtë pamje nostalgjike vjen vetëm disa javë pas momentit publik të Finit, i cili gjithashtu u pa me stil të ngjashëm me babain e tij.
Pavarësisht humorit viral që mema “Sad Affleck” krijoi, aktori ka treguar më parë se nuk shqetësohet nga perceptimi publik, duke theksuar se sfida e vërtetë ishte si do e shikonin fëmijët e tij.
Ben dhe ish-bashkëshortja Jennifer Garner kanë ruajtur një marrëdhënie të mirë bashkëprindërore për tre fëmijët e tyre, duke ofruar stabilitet dhe bashkëpunim pas ndarjes së tyre në vitin 2015.
Fotografitë e reja rikujtojnë fansat dhe median për humorin e saj unik dhe vendin që Ben ka në historinë e memeve të internetit. /Telegrafi/
