Hapja e vendkalimit kufitar Bellanoc-Stançiç mbetet ende ëndërr, edhe pse marrëveshja për rë daton që nga viti 2011. Deri më sot, Qeveria nuk ka bërë thuajse asgjë për përfundimin e procedurës për shpronësimin e tokës dhe dhënien e lejes për ndërtim të vendkalimit kufitar. Nga Qeveria arsyetohen duke thënë se vonesa e procedurave në fjalë, vjen për shkak të zbatimit të procedurave ligjore të dy shteteve Maqedoni e Kosovë, të cilat janë bashkëpjesëmarrëse në këtë projekt.
“Te ne vazhdon procedura për dhënien e lejes për ndërtim dhe shpronësim të cilat janë planifikuar të përfundojnë në afat prej 20-30 ditësh. Pastaj, firmat që do të përzgjidhen, do të mund të nisin punimet ndërtimore”, thanë nga Qeveria e Maqedonisë.
Nga ana tjetër, Qeveria edhe në fillim të muajit korrik kishte marrë vendim që deri në fund të të njëjtit muaj, të kishte përfunduar hartimi i projektit arkitektoniko-urbanistik për objektin që duhej ndërtuar në këtë pikë. Mirëpo edhe ky afat kaloi dhe vendi ku duhet shënuar pika kufitare nuk të bën përshtypje se po përgatitet për punime ndërtimore.
ALSAT mëson se 15 gushti ishte afati përfundimtar i përdorimit të fondeve IPA për këtë pikë kalimi kufitar të përbashkët. Sipas procedurave, tenderi për të do të duhej të ishte përfunduar në korrik, për t’i hapur rrugën kështu thithjes së rreth 1.2 milion eurove për këtë projekt. Fakti që këto para ishin nga fondet IPA, e konfirmonte edhe ish zëvendëskryeministri Arbër Ademi, gjatë muajit prill.
Jemi brenda afateve të cilat janë caktuar në marrëveshjen me BE. Unë nuk preferoj që të jap afate. Disa muaj më herët apo disa muaj më vonë janë edhe të parëndësishme duke pasur kështu rëndësinë e realizimit të këtij projekti – deklaroi Arbër Ademi, ish zëvendëskryeministër.
Me vonesën e shpronësimit të tokës nga ana e Maqedonisë, edhe Maqedonia edhe Kosova i kanë humbur përfundimisht këto para. Objekti synohej të ishte në vijën kufitare, objekt vetëm me një tra kalimi, por procedurat nga ana e shteteve edhe pse fondi ishte i përbashkët, duheshin kryesuar ndaras. Deri tani nuk ka reagim nga ana e Qeverisë së Kosovës, nëse ia faturon humbjen e këtyre parave, Shkupit zyrtar. Një gjë është e qartë, që dështimi i ngritjes së kësaj pike, do të përdoret fuqishëm nga partitë, për pikë politike në zgjedhjet lokale të 15 tetorit në vend. /Telegrafi/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Flet shqiptari që vrau gruan: Nuk pendohem, hante me paratë e mia dhe më tradhtonte
Bie nataliteti në Kosovë, ASK dhe MPB me statistika të ndryshme për lindjet
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore