I bëjnë ofertë për blerje të ndjekësve në Instagram, Yllka Kuqi e bën publike dhe qesh me mesazhin anonim

Këngëtarja e njohur, Yllka Kuqi, është shumë e pëlqyer nga mijëra fansa për muzikën e saj.

Ajo është shumë aktive këtë fundvit në programet festive, ndërsa ka sjellë disa këngë të reja për publikun.

https://www.instagram.com/p/BrTSuOZn7PF/

Ndërkohë, Yllka është gjithashtu e ndjekur nga mijëra fansa në rrjetet sociale, përmes së cilave ndan me ta imazhe të ndryshme nga jeta e saj.

Shpesh, asaj i vijnë mesazhe të ndryshme dhe komplimente nga fansat, por së fundmi, ajo ka marrë një mesazh mjaft të çuditshëm në rrjetin social Instagram.

Lexo po ashtu Të gjitha lajmet nga Estrada Shqiptare

Bëhet fjalë për një profil anonim, i cili i shkruante asaj për t’i bërë një ofertë rreth blerjes së ndjekëse në mënyrë robotike.

E habitur me këtë mesazh, këngëtarja nga Gjakova vendosi ta ndajë atë me fansat, duke treguar se e ka refuzuar kategorikisht një gjë të tillë, ndërsa edhe ka qeshur me ofertën në fjalë.

“Oferta e fundvitit, s’po di a me kesh a me qajtë, pasi që s’i kam blerë deri tash…po e shtyjmë kështu edhe sisa vite, sepse unë besoj në babadimrin”, ka shkruar Kuqi në Instagram.

Ofertat e tilla janë jo të rralla për personazhet VIP, teksa është përfolur shpesh se disa prej tyre mashtrojnë me numrin e ndjekësve në rrjetet sociale apo të klikimeve në kanalin YouTube. /Telegrafi/

https://www.instagram.com/p/Bq5CiK9nFKh/