Begaj: Në Malishevë deri tani 70 persona të infektuar me coronavirus, ndërsa 34 të shëruar

Në komunën e Malishevës deri tani të infektuar me coronavirus janë 70 persona, kurse të shëruar 34.

Kështu bëri të ditur kryetari i komunës së Malishevës, Ragip Begaj gjatë takimit me komandantin Hubacher të njësisë së LMT-së në Malishevë.

Begaj, njoftoi  komandantin, Hubacher, se Komuna e Malishevës ka 44 fshatra dhe afro 70 mijë banorë, ku prej tyre afro 15 mijë qytetarë tanë, punojnë në vendet e ndryshme të Evropës, duke përfshirë edhe shtetin e Zvicrës.

“Malisheva është kryesisht një vend bujqësorë dhe me disa degë të bizneseve tregtare, kurse ne si komunë kemi bërë investime në infrastrukturën shkollore, kanalizime, ujësjellës, shëndetësi, rrugë, në ndërtimin e objekteve për banim social si dhe në pajisjen  me mjete të këtyre sektorëve”, tha ai.

Ndërsa për situatën me coronavirus, që u paraqit në këtë fillimvit, ku nga muaji mars u prekën edhe qytetarë malishevas, pasi pati edhe të ardhur nga jashtë, kryesisht nga Italia.

“Deri tash në komunën tonë, janë prekur 70 persona, kurse janë shëruar, 34 persona. Ne, si struktura komunale ia kemi dalë, që ta menaxhojmë mirë situatën me COVID-19, dhe kemi marrë e zbatuar masat mbrojtëse të cilat edhe rezultuan të suksesshme, prandaj edhe falënderoi të gjithë donatorët që ndihmuan dhe po vazhdojnë t’i ndihmojnë  Malishevës në këtë kohë të rëndë pandemike”, tha ai. /Telegrafi/