Artistja shqiptare me famë botërore, Bebe Rexha, ka mbajtur turneun e saj "Best F*n Night Of My Life" në Evropë.
Ajo ka performuar në Mbretërinë e Bashkuar, Gjermani, Holandë, Romani dhe së fundmi në Lituani dhe Suedi.
Rexha ishte pjesë e 'Garantos Live' - një nga festivalet më të mëdha që organizohet çdo vit në Vilnius të Lituanisë, si dhe festivalit "Big Slap" në Suedi.
Ajo u ngjit në skenën e madhe para mijëra fansave për të interpretuar shumë nga këngët e repertoarit të saj - kryesisht këngë nga albumi "Bebe" të cilin e nxori në shitje këtë vit.
33-vjeçarja ka ndarë me ndjekësit e saj në Instagram disa fotografi nga paraqitja në këtë festival, ku atmosfera gjatë interpretimit të saj, duket të ketë qenë në maksimum.
Interpretuesja e hitit "I'm Good (Blue)" e përmbylli me shtetet veriore ciklin e saj të koncerteve për momentin. /Telegrafi/
Foto: Bebe Rexha/Instagram
Foto: Bebe Rexha/Instagram
Foto: Bebe Rexha/Instagram
Foto: Bebe Rexha/Instagram
