Bashkohuni në Samitin e parë për ESG, për t’u bërë pjesë e tranzicionin drejt Ekonomisë së Gjelbër!

Në një botë ku qëndrueshmëria është bërë një domosdoshmëri, ku ndërgjegjja mjedisore drejton vendimet dhe ku përgjegjësia sociale vie në qendër të vëmendjes, është e domosdoshme që edhe ne të jemi pjesë aktive e kësaj lëvizjeje. Me rastin e 20-vjetorit të saj në Kosovë, Banka Raiffeisen organizon Samitin dyditor të ESG me fokus “Tranzicioni i Ekonomisë së Gjelbër”. Ju ftojmë të jeni pjesë e një lëvizjeje globale që do të formësojë të ardhmen tone dhe së bashku të bëjmë realitet tranzicionin në ekonominë e gjelbër!

Banka Raiffeisen ka përmbledhur rrugëtimin e saj 20-vjeçar në Kosovë përmes sloganin “20 vjet në Kosovë. Mbështetje. Përgjegjësi. Inovacion”. Përgjegjësia për ndikimin që banka ka në ekonomi, ambient dhe shoqëri, na ka shtyer ta përfshijmë qëndrueshmërinë si njërën nga shtyllat kryesore të strategjisë së Raiffeisen, krahas rritjes dhe  transformit digjital në dekadën e fundit. Kjo pashmangshëm është nxitur nga kompania jonë amë, Raiffeisen Bank International me seli në Vjenë, e cila që nga viti 2010 është përkushtuar të zbatojë parimet e ‘UN Global Compact’, iniciativës më të madhe në botë për përgjegjësi dhe qëndrueshmëri korporative. Sot, shtylla e qëndrueshmërisë në bankën tonë është e përqendruar në katër fusha: bankë e përgjegjshme, qasje e drejtë ndaj punonjësve, ekologji e brendshme, dhe investim në komunitet.

Samiti për ESG do të jetë dyditor dhe do të mbahet në data 15 dhe 16 qeshor në Klan Arena në Prishtinë. Në këtë samit do të keni mundësinë të dëgjoni nga një grup i jashtëzakonshëm folësish dhe liderësh të shquar, të cilët janë vënë në ballë të tranzicionit në ekonominë e gjelbër. Ata do të ndajnë njohuritë, përvojat dhe ekspertizën e tyre për të frymëzuar dhe fuqizuar pjesëmarrësit për të ndërmarrë veprime.

Samiti ESG nuk është thjesht një konferencë, por do të jetë një katalizator për ndryshim. Duke marrë pjesë, do të fitoni njohuri të çmueshme, do të ndërtoni lidhje domethënëse dhe do të hapni mundësi të reja që do të çojnë përpara tranzicionin e ekonomisë së gjelbër.

Panairi i hapur
Në kuadër të Samitit, do të jetë i hapur edhe panairi i startupeve dhe bizneseve që do të prezantojnë aktivitetet e tyre biznesore që kontribojnë në agjendën e gjelbërt. Në kuadër të panairit do të ketë edhe prezantime të ndryshme që lidhen me ndikimin e inovacionit dhe teknologjisë në tranzicionin e gjelbërt, agrikulturën e qëndrueshme, ekonominë qarkore dhe ndërmarrësinë sociale.
Nëse drejtoni një biznes që ka vision transformimin e gjelër, ju ftojmë të na bashkoheni duke aplikuar në këtë link. Ne do të sigurojmë një stand dhe hapësirë për të promovuar biznesin tuaj.

Vizitoni faqen e ESG-summit për të mësuar më shumë rreth Samitit ESG, agjendën dhe listën e panelistëve, si dhe për të siguruar vendin tuaj. Së bashku, le të fillojmë ndryshimet, të nxisim inovacionin dhe të krijojmë një botë më të gjelbër.
Regjistrohu sot!