LAJMI I FUNDIT:

“Bashkëfajtor për ‘mbulimin’ e rasteve të coronavirusit në Kinë” – Bolton dhe zyrtarë të tjerë amerikanë kërkojnë dorëheqjen e shefit të OBSH-së

“Bashkëfajtor për ‘mbulimin’ e rasteve të coronavirusit në Kinë” – Bolton dhe zyrtarë të tjerë amerikanë kërkojnë dorëheqjen e shefit të OBSH-së

Ish-Këshilltari i Sigurisë Kombëtare, John Bolton, iu bashkohet thirrjeve për dorëheqjen e drejtorit të përgjithshëm të Organizatës Botërore të Shëndetit, Tedros Adhanom Ghebreyesus, pasi ky i fundit është quajtur “bashkëfajtor për mbulimin masiv të rasteve nga coronavirusi në Kinë”.

Sipas mediave të huaja, përcjell Telegrafi, shefi i OBSH-së ka marrë kritika të mëdha edhe nga dy senatorët e Shteteve të Bashkuara të Amerikës, duke vënë madje në dyshim udhëheqjen e tij në krye të organizatës.

“OBSH është bashkëpunëtor i ‘mbulimit’ masiv të rasteve nga coronavirusi në Kinë”, shkroi në Twitter, Bolton.

“Kjo është arsyeja pse unë i mbështes përpjekjet e senatorit Marco Rubio, dhe të Ted Cruz, për dorëheqjen e drejtorit të përgjithshëm, Ghebreyesus”, ka shkruar ai më tej.

Ndërkohë, senatori i Floridës, Marco Rubio dhe ai i Teksasit, Ted Cruz, janë dy politikanët amerikanë që i kanë bërë thirrje liderit të OBSH-së, të përballet me përgjegjësitë për mënyrën e menaxhimit të pandemisë.

“Sapo kjo pandemi të jetë nën kontroll, lidershipi i OBSH-së duhet të mbajë përgjegjësi, përfshirë edhe drejtorin e përgjithshëm Tedros Adhanom Ghebreyesus, i cili ka lejuar Pekinin të përdorë organizatën për të mashtruar komunitetin global”, tha Rubio.

“Në këtë moment, Ghebreyesus nuk është i aftë të jetë në krye të organizatës. Asnjë e mirë nuk vjen në të ardhmen nëse ai është në krye në këtë gjendje kritike”, ka shtuar ai.

Ndërkaq, zëdhënësi i senatorit, Ted Cruz ka deklaruar se OBSH duhet të konsiderojë heqjen e kreut të tyre.

“Senatori Cruz beson se OBSH ka humbur besueshmërinë, ndërsa kërkohet urgjentisht një rivlerësim i lidershipit të tyre”, ka thënë ai. /Telegrafi/

Në trend Botë

Më shumë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Në Çeki zbulohet një rrjet propagande i financuar nga Rusia

Në Çeki zbulohet një rrjet propagande i financuar nga Rusia

Evropa
Kalo në kategori