Bardhyl Meta: Çka flet ‘dosja’ Melihate Tërmkolli për Lumir Abdixhikun?!

Ish-deputeti i LDK-së, Bardhyl Meta, ka reaguar ndaj një deklarate të bërë dje ngabashkëpartiakja e tij, Melihate Tërmkolli, e cila tha se të gjithë kandidatët pretedentë për kryetar të LDK-së, është dashur të japin dorëheqje nga kjo parti, përfshirë edhe Lumir Abdixhikun.

Meta, përmes një postimi në Facebook, ka thënë se “Tërmkolli po dojka me “Re’formue” dhe rikthye LDK-në n’Fron – tue përzanë personalitete e kuadro të LDK!”

“Euuuu ku po dojka i Madhi zot me na farue nga do ‘Pronarë’ e ‘Pronare’ të LDK-së e “t’vërtetave të “Saj”…!”, ka shkruar Meta.

Postimi i plotë i Metës:

“Melihate Termkolli – “Sekuritasi n’Derë t’LDK-ës”! – Paska perzane Lumir Abdixhikun!?

Termkolli po dojka me “Re’formue” dhe rikthye LDK-në n’Fron – tue përzanë personalitete e kuadro të LDK!

– Paska fillue me Lumir Abdixhikun dhe Akademiket (Kujtim Shalen)!?

Po flet e “lexon dosje për njerëz”?!

Sapo e lexova se paska deklaruar, se:

– “Pse, kush është Lumir Abdixhiku për LDK-në?”

“Kush e ka sjell Lumirin aty”? “Ku është rritur e shkolluar Lumiri?”

Paska dosje a?

Ku osht shkollu bre…, ku…, bash tregona, çka flet “Dosja” Melihate…?!

Euuuu ku po dojka i Madhi zot me na farue nga do “Pronarë” e “Pronare” te LDK-es e “t’vertetave të “Saj”…!

-Kishe po pakohen “pronaret”, keta po shtohen?

Qysh i tha ajo plaka Bajram Rexhepit: … valla na ke nimu, na e ke *i at’ nanë…!

P.S. Shkojnë – e vijnë – n’LDK, dhe qesin prap Kanun e shkelma…” (sic.), ka shkruar Meta.

Në një debat televiziv Tërmkolli të martën ka thënë që edhe Lumir Abdixhiku duhet të largohet nga LDK-ja.

Lexo po ashtu Tërmkolli: Edhe Lumir Abdixhiku duhej të largohej nga LDK-ja

Më teja jo ka pyetur: “Pse kush është Lumir Abdixhiku për LDK-në? Kush e ka sjell Lumirin aty? Ku është rritur e shkolluar Lumiri?”.

Ajo ka thënë se në LDK ka ende shumë, siç i quan ajo, profiterë që shikojnë interesat e tyre dhe “nuk u intereson fati i LDK-së”.