Barcelona vazhdon interesimin për Herreran

Klubi i madh katalunas, Barcelona do të tentojë edhe më tutje transferimin e mesfushorit të Manchester Unitedit, Ander Herrera.

Blaugranët janë në treg për një emër të ri për të kompletuar edhe më shumë repartin e mesfushës.

Mediat angleze kanë zbuluar se klubi katalunas bëri një ofertë për mesfushorin e Djajve të Kuq, Herrera, në verën e kaluar.

Lexo po ashtu Herrera mohon të ketë qenë afër transferimit te Barcelona

Sipas mediumit The Sun, Barcelona do të kërkojë të përfitojë nga Herrera që ende nuk ka nënshkruar një marrëveshje të re me ekipin nga Old Trafford dhe të bëjë një tjetër ofertë për mesfushorin.

Gjigantët spanjollë kanë mbetur në interes të lojtarit pasi kanë parë një lëvizje të refuzuar për Herreran në verë.

Barça tani do të përpiqet sërish të kthejë në La Liga ish-mesfushorin e Athletic Bilbaos me një ofertë gjatë janarit apo verës së ardhshme.

Lexo po ashtu Rabiot vendos për të ardhmen, do t’i bashkohet Barcelonës

Herrera do të jetë jashtë kontratës në United gjatë verës së ardhshme, dhe kështu do të jetë në gjendje të largohet nga klubi si një agjent i lirë.

Përveç spanjollit, Barcelona ka shprehur interesim edhe për Adrien Rabiot të PSG-së, Paul Pogban e Unitedit dhe Frenkie de Jong i Ajaxit. /Telegrafi/