Barcelona dhe Atletico luajnë baras në derbin e javës, Real Madridi mund ta shfrytëzojë këtë hap fals të rivalëve

Barcelona është ndalur në shtëpi nga Atletico Madridi duke barazuar me rezultat 0-0 në ndeshjen derbi të vlefshme për javën e 35-të në La Liga.

Katalunasit nuk kanë arritur të mposhtin Atleticon dhe ta marrin pozitën e parë në tabelë, ndërsa me një barazim mund t’i kenë bërë favor edhe rivalëve të Real Madridit.

Pjesa e parë e ndeshjes u karakterizua me lojë thuajse të barabarta, me të dyja skuadrat që patën rastet e veta për gol.

Vendasit rrezikuan me anë të Lionel Messi (41’), ndërsa mysafirët me anë të Angel Correa (19’) dhe Yannick Carrasco (37’), por shifrat mbeten të pandryshuara.

HALFTIME

0️⃣ Barça
0️⃣ Atlético

🖥 Live analysis on Barça TV+
👉 https://t.co/v28AM27Zzq #BarçaAtleti pic.twitter.com/wG9C1ZWv40

— FC Barcelona (@FCBarcelona) May 8, 2021

Në pjesën e dytë, Barcelona ishte dukshëm më e mirë, duke menaxhuar lojën dhe duke krijuar shumë raste për gol.

Barcelona provoi me anë të Messit (66’, 90’) dhe Ronald Araujo (70’), por goditjet e të parit nga gjuajtjet e lira shkuan jashtë, ndërsa goli i shënuar nga i dyti u anulua për pozitë jashtë loje.

Deri në fund, Barcelona nuk u dorëzua në kërkim të golit, por edhe përkundër rasteve portat mbeten të paprekura dhe ndeshja u mbyll me barazim 0-0.

FT in Barcelona as both sides pick up one point. pic.twitter.com/Ksq3IeOStO

— Atlético de Madrid (@atletienglish) May 8, 2021

Pas këtij barazimi, Atletico mbetet e para me 77 pikë apo dy më shumë se Barcelona e dyta, ndërsa Reali i treti me një ndeshje më pak ka 74 pikë.

Në ndeshjen e radhës, Atletico e pret Real Sociedadin, ndërsa Barcelona udhëton te Levante. /Telegrafi/