Dhoma e muzeut është ndërtuar në vitin 1938 në formë gjashtëkëndore , prej çeliku dhe betoni, krejtësisht e blinduar me një derë me trashësi 50 centimetra në çelik. Gjithçka është prodhuar në Parma të Italisë dhe është montuar që në fillim të hapjes së bankës. Dhoma e thesarit nuk ka qenë hapur kurrë dhe sot është bërë muze.
Brenda tij është ekspozuar një lingotë ari me peshë 12,4 kilogramë dhe me vlerë afro 500 mijë euro si dhe të gjitha llojet e monedhave të floririt që kanë qarkulluar në Shqipëri në 200 vitet e fundit, raporton Opinion.
