Ballkani ka kaluar në epërsi ndaj Lincoln Red Imps nga Gjibraltari në kuadër të ndeshjes kthyese të raundit të tretë kualifikues në Ligën e Konferencës.
Ballkanin edhe pse dominoi dhe krijoi disa raste në pjesën e parë, nuk arriti të shënojë.
Nazmi Gripshi goditi shtyllën, ndërsa Albin Berisha dhe Almir Kryeziu edhe pse të vetëm me portierin, nuk shënuan.
Por me të filluar pjesa e dytë Ballkani ka marr golin e qetësisë, kur Gripshi asistoi te Meriton Korenica, i cili me një gjuajtje të bukur nga distanca shënoi për 1-0.
Edhe në ndeshjen e parë, golin e parë e kishte shënuar Korenica. /Telegrafi/
