Bajrami: Lufta ndërmjet qumështarëve dëmton prodhimin vendës (Video)

Ministrja e Tregtisë dhe Industrisë, Hykmete Bajrami, i ka quajtur tendencioze deklaratat e Shoqatës së Qumështorëve të Kosovës në lidhje me vajin e palmës në produktet e qumështit.

Në një intervistë për Ekonomia Online, ajo ka thënë se analizat që bëhen nga një shoqatë duket që të jenë tendencioze për anëtarët e shoqatës tjetër dhe se “lënë shumë për të dëshiruar”.

Ministrja Bajrami u ka bërë thirrje shoqatave të qumështorëve në vend që përmes tentativave të tilla të mos e dëmtojnë prodhimin vendor.

“Ne kemi Agjencinë e Ushqimit dhe Veterinës, e cila bënë analiza të tilla dhe merret me cilësinë e produkteve ushqimore”, thotë ajo.

Bajrami thotë që lufta mes vete nuk do të sjell rezultate për asnjë shoqatë dhe për asnjë anëtar të këtyre shoqatave.

“Nga këtu kisha shfrytëzuar mediumin tuaj që të ju bëjë thirrje shoqatave të qumështarëve që ata asnjëherë me deklarata të tilla, me tentativa të tilla mos të e dëmtojnë prodhimin vendorë sepse ata në fund ata nuk do të dëmtojnë vetëm konkurrentët e tyre , por gjithsesi do të dëmtojnë edhe veten e tyre”, ka theksuar Bajrami. “Qytetarët e Kosovës nuk do të ndalen me shiku se të kujt janë ato analiza dhe besoj që krejt ky diskutim që ka qenë ditëve të fundit ka me ndikuar në rritjen e perceptimit negativ për produktin vendor, në këtë rast për produktet e qumështit – pa marrë parasysh të cilës kompani ato janë”. /Ekonomia Online/