Babai i Haaland ka folur me Barcelonën dhe Real Madridin në të njëjtën kohë

Sulmuesi i Manchester Cityt, Erling Haaland është i preferuari i dy klubeve të mëdha spanjolle, Real Madridi dhe Barcelona, kështu që një transferim në La Liga nuk është i pamundur të ndodh në të ardhmen e afërt.

Sipas Diario Sport, babai i Erling Haaland, Alfie, ka qenë në bisedime të ngushta me Barcelonën dhe Real Madridin në të njëjtën periudhë.

Alfie Haaland donte që djali i tij të nënshkruante për Real Madridin ose Barçën në vitin 2022, por asnjë marrëveshje nuk mundi të arrihet pasi Barça mund të përballonte vetëm Robert Lewandowskin ndërsa Real Madrid vendosi të qëndrojë me Karim Benzema.

Lexo po ashtu "Ëndrra e Barcelonës", presidenti Laporta kërkon të transferojë Haalandin

Ishte Manchester Cityt ai që pagoi klauzolën e lirimit të Haaland për të nënshkruar me të. Por, ndërsa norvegjezi ka performuar jashtëzakonisht mirë në Ligën Premier, ai ende ëndërron të luajë në La Liga.

Plani për Haaland thuhet se është të transferohet në Spanjë kur ai të vendosë të largohet nga Manchester City në të ardhmen.

Lexo po ashtu Erling Haaland e lë të hapur derën për lëvizjen në Real Madrid – tani dihet se si Florentino Perez mund ta transferojë norvegjezin 

Mbetet për t’u parë nëse Barcelona mund ta përballojë Haalandin, siç thonë burimet se ata planifikojnë ta bëjnë në vitin 2026.

Klubi është ende 1 miliard euro borxh dhe parashikohet të fillojë të bëjë para serioze vetëm kur Camp Nou të hapet pas më shumë se një viti. /Telegrafi/