AUV: Nuk ka tepricë të pesticideve në domatet e importuara nga Shqipëria

Sipas Agjencisë për Ushqim dhe Veterinari, tepricë e pesticideve nuk është identifikuar në asnjë prej dërgesave të domateve të importuara nga Shqipëria dhe Italia. Këtë e tregojnë analizat e mostrave të mara në të cilat nuk ka qenë e evidentuar devijim në lidhje me kriteret e sigurisë dhe nuk është konfirmuar prani e pesticideve mbi kufijtë e lejuara maksimale, konfirmojnë nga AUV, përcjell Telegrafi Maqedoni.

“Nga fillimi i vitit deri më 27 shtator 2018, në Republikën e Maqedonisë u importuan 546 dërgesa domate me sasi të përgjithshme mbi 5 milion e 240 mijë kilogramë. Për pjesën më e madhe, importi i domateve të këtij viti është realizuar nga Shqipëria fqinje, nga Greqia, si dhe nga Italia dhe Turqia.

Në të njëjtën periudhë, nga Republika e Shqipërisë janë importuar 199 dërgesa me 2.3 milion kilogram domate, ndërsa nga Italia 68 ton 34 ton janë importuar.

Sasitë e importuara të domateve nga Shqipëria dhe Italia nuk treguan ndonjë devijim në lidhje me kriteret e sigurisë, domethënë me ekzaminimin laboratorik të mostrave të mara në asnjë nga dërgesat, nuk është konfirmuar prani e pesticideve mbi maksimalen e lejuar”, thuhet në deklaratë.

Para dy ditëve pushteti në Greqi tërhoqi nga tregu 4.6 ton domate në Athinë të importuar nga Shqipëria dhe Italia, për shkak të pranisë së madhe të pesticideve. /Telegrafi/