LAJMI I FUNDIT:

Autoritetet në Alabama kërkojnë një të burgosur dhe zyrtaren e burgut, tregohet se si ajo ndihmoi arratisjen e tij

Autoritetet në Alabama kërkojnë një të burgosur dhe zyrtaren e burgut, tregohet se si ajo ndihmoi arratisjen e tij

Policia amerikane është në kërkim të një të burgosuri të arratisur që po përballet me akuzat për vrasje dhe një zyrtare e burgut që mund ta ketë ndihmuar.

Sipas medieve të huaja, përcjell Telegrafi, i burgosuri Casey White dhe oficerja e korrigjimeve Vicki White u panë për herë të fundit të premten në mëngjes në zyrën e Sherifit të Qarkut Lauderdale në Alabama.

Zonja White tha se ajo po e çonte atë në një vlerësim mendor, por zyrtarët më vonë kuptuan se nuk ishte planifikuar një gjë e tillë.

Policia tani beson se zonja White ndihmoi në orkestrimin e arratisjes dhe ka lëshuar një urdhër për arrestimin e saj.

Duke folur në një konferencë shtypi të premten, Sherifi i Qarkut Lauderdale, Rick Singleton vuri në dukje se zonja White kishte shitur shtëpinë e saj rreth një muaj më parë dhe kishte “biseduar për të shkuar në plazh”.

E premtja – dita kur dyshja u zhduk – supozohej të ishte dita e saj e fundit në punë.

Pavarësisht mbiemrave që përputhen, dyshja nuk kanë ndonjë lidhje familjare.

Autoritetet thonë se Casey White duhet të konsiderohet “i armatosur dhe jashtëzakonisht i rrezikshëm” – pjesërisht sepse ai tani mund të ketë qasje në armën e oficeres.

Z. Singleton tha se zonja White u largua nga qendra e paraburgimit me të burgosurin rreth orës 09:30.

Ajo u kishte thënë kolegëve se do ta linte atë në gjykatë për një vlerësim të shëndetit mendor.

Autoritetet tani besojnë se kjo nuk ishte reale dhe ishte pjesë e planit të arratisjes.

Pak pas orës 11:00 dikush e gjeti automjetin e saj në parkingun e një qendre tregtare.

Rreth orës 15:30 zyrtarët kuptuan se i burgosuri nuk ishte kthyer në paraburgim dhe askush nuk mund të kontaktonte me oficeren.

Të hënën, Sherifi Singleton tha se autoritetet besojnë se arratisja ishte “e orkestruar” dhe se zonja White mori pjesë, megjithëse rrethanat e sakta mbeten të paqarta.

“Nëse ajo e bëri këtë me dëshirë apo u detyrua disi, ne nuk jemi vërtet të sigurt”, citohet të ketë thënë ai.

Autoritetet në SHBA po ofrojnë një shpërblim deri në 10,000 dollarë për informacionin që çon në kapjen e Casey White dhe vendndodhjen e Vicki White. /Telegrafi/


Në trend Botë

Më shumë
Problemet e Trumpit janë rritur me 100 milionë dollarë: Dihet shuma përfundimtare e gjobës që duhet të paguajë ​

Problemet e Trumpit janë rritur me 100 milionë dollarë: Dihet shuma përfundimtare e gjobës që duhet të paguajë ​

Amerika
Dy vite luftë - heronjtë ukrainas kundër pushtuesve rus

Dy vite luftë - heronjtë ukrainas kundër pushtuesve rus

Evropa
Duket si i pastrehë, por ka pasuri milionëshe në Gjermani - pensionisti tregon se shpenzon vetëm 5 euro në muaj për ushqim

Duket si i pastrehë, por ka pasuri milionëshe në Gjermani - pensionisti tregon se shpenzon vetëm 5 euro në muaj për ushqim

Evropa
Gjërat që njerëzit bëjnë në Finlandë – vendin më të lumtur në botë – që tek ne mund të duken të çuditshme

Gjërat që njerëzit bëjnë në Finlandë – vendin më të lumtur në botë – që tek ne mund të duken të çuditshme

Botë
Një M1 Abrams amerikan mund të shihet duke hapur zjarr ndaj rusëve - në videon e parë të tankut në një betejë në Ukrainë

Një M1 Abrams amerikan mund të shihet duke hapur zjarr ndaj rusëve - në videon e parë të tankut në një betejë në Ukrainë

Botë
Flamuri i Kosovës në hapësirë, si u arrit kjo dhe si kontribuoi astronomia Pranvera Hyseni

Flamuri i Kosovës në hapësirë, si u arrit kjo dhe si kontribuoi astronomia Pranvera Hyseni

Arigona Bytyçi
Kalo në kategori