Autobusi që transportonte dhjetëra nxënës doli nga rruga dhe u përmbys – detaje dhe pamje nga aksidenti i së dielës në Gjermani

Në një autostradë pranë Wenden midis Freudenberg dhe Olpe të dielën në mëngjes, një autobus që transportonte 67 nxënës doli nga rruga dhe u përmbys.

Si pasojë, siç kanë raportuar mediat e huaja, përcjell Telegrafi, të lënduar kanë mbetur 27 nxënës dhe drejtuesi i autobusit.

Autoritetet kanë thënë se bëhet fjalë për nxënës dhe mësues nga një shkollë në Marburg, si dhe shoferin.

Siç raportohet më tej, katër nga nxënësit u lënduan aq rëndë sa iu desh të kalonin natën në spital ndërkohë që të tjerët kanë pësuar lëndime të lehta.

Sipas policisë së Dortmundit, të rinjtë e lënduar janë 14 dhe 15 vjeç ndërsa me plagë të lehta në spital është dërguar edhe drejtuesi i autobusit – një 54-vjeçar.

Po sipas autoriteteve, pasi të gjithë pasagjerët në autobus kishin lidhur rripat e sigurimit dhe si rezultat nuk kishte të tillë me fatalitet.

Auf der A45 bei Wenden zwischen Freudenberg und Olpe ist am Morgen ein Bus mit 75 Schülern aus Marburg von der Fahrbahn abgekommen und auf dem Grünstreifen umgekippt. Die Gruppe war auf dem Weg nach England.https://t.co/c0VrT29oFS

— WDR aktuell (@WDRaktuell) April 21, 2024

Ndërkohë, një ditë pas aksidentit të autobusit, katër të rinj të lënduar – tri vajza dhe një djalë – mundën të largoheshin nga spitali.

Nxënësit ishin në një ekskursion shkollor me autobusin dykatësh dhe, sipas policisë, ishin nisur për në Angli.

Udhëtimi tani është anuluar ndërsa shkaku i aksidentit është ende i paqartë – por sipas gjetjeve fillestare nuk ka pasur akull në autostradë. /Telegrafi/