Juventusi është përballur me një incident të shëmtuar gjatë udhëtimit drejt Stadio Maradona, të dielën mbrëma, për ndeshjen ndaj Napolit.
Bardhezinjtë udhëtuan për në Napoli vetëm disa orë para takimit, me qëllimin për të shmangur tensionet e tifozëve.
Madje, klubi kishte zgjedhur të akomodonte ekipin pranë shtëpisë së Antonio Contes, për të shmangur zonat më problematike të trafikut në qytet.
Megjithatë, sipas DAZN Italia, përmes CalcioNapoli24, autobusi i Juventusit është goditur me gurë gjatë rrugës për në stadium.
Disa dritare të automjetit janë thyer pas goditjeve, por fatmirësisht asnjë lojtar apo anëtar i stafit nuk ka pësuar lëndime.
Ky incident hedh dritë edhe njëherë mbi intensitetin dhe rrezikshmërinë që vazhdon të shoqërojë këtë rivalitet të zjarrtë mes Napolit dhe Juventusit.
