Aurela Gaçe publikon fotografi nga periudha e vështirë e shtatzënisë: Karantinimi që zgjati gjashtë muaj e gjysmë në spital

Vetë-karantinimi dhe qëndrimi në shtëpi ka bërë që shumë njerëz të gjejnë kohë për t’u kthyer prapa në kujtime të së kaluarës.

Një gjë të tillë së fundmi e ka bërë edhe këngëtarja e njohur, Aurela Gaçe, e cila në një postim më ndryshe se zakonisht ka kujtuar një periudhë të vështirë në jetën e saj.

Bëhet fjalë për shtatzëninë e saj të dytë, të cilën ajo nuk e kishte përjetuar fare lehtë, pasi kishte kaluar plot gjashtë muaj e gjysmë në spital.

https://www.instagram.com/p/B9PrN5ygYQg/

Këtë gjë ajo e bëri të ditur përmes një fotografie të publikuar në rrjetin social Instagram – fotografi të cilën e kishte realizuar gjatë asaj kohe.

Këngëtarja u ka bërë thirrje njerëzve për durim, pasi sipas saj çdo gjë do t’i vijë koha dhe do të kalojë, njëlloj siç kishte kaluar edhe faza e saj e vështirë e “karantinimit të vërtetë”.

Ky është postimi i saj i plotë (pa ndërhyrje):

“Nuk kam publikuar asnjehere foto nga “ditet e karantines time ” qe zgjati 6 muaj e gjysem ,gjate kohes qe prisja vajzen e dyte.
Fotoja e pare eshte gjate kohes kur numeroja javet e fundit ,teksa mundoheshim me mjeket qe te arrinim te preknim muajin e 9 . Periudha me vigona neper duar ishte 6 javore, e sigurisht as ulur nuk mund te qendroja….por ,periudha perpara ishte gjithashtu shume e veshtire. Mjeket me dhane urdher te qendroja ne shtrat ne menyre absolute qysh kur zbuluam shtatezanine . Mendojeni pak, jo 1 dite, jo nje jave, jo nje muaj. Nuk dihej sa mund te vazhdonte rreziku, keshtu qe isha e detyruar per shendetin e jeten e asaj krijese qe po rritej brenda meje. Vajza e madhe, Grace, donte te flinte me mua ,ta merrja ne krahe,te luanim sic ishim mesuar te benim cdo dite. Une sigurisht nuk mundesha dhe i flisja e i tregoja se nëse mami te ngre ne krahe, ose pa dashje ti mund te godasesh barkun nese fle me mamin, atehere do lendojme motren ose vellane “-i thosha” . Ajo mundohej te kuptonte, packa se ishte vetem 4 vjeç. Me puthte ,mua edhe barkun ,aty ku packa se nuk e shikonte, e dinte se po vinte nje jetè e re. Ishte periudhe shume e veshtire per te gjithe ne.
Ne foton e dyte, ishte momenti qe do te shkonte me gjyshen e saj ne plazh ne javet e verës, e une s’mundesha te isha me te as per ta percjelle tek dera, e as ta puthja e ta perqafoja per jave te tera….nderkohe qe mami im ishte ne sherbimin tim gjithe kohes.
Gjate kohes se rrezikut, arrita vetem per 2 muaj e pak qe te ngrihesha e te kisha aktivitet, pastaj sic e shikoni ne spital.
Ne ate kohe, as nuk postoja gje, as i tregoja keto. A merzitesha? A qaja? Sigurisht qe po, por arsyeja pse po e kaloja kete “karantinim” ishte vetem e vetem per jeten e re qe po vinte ne familjen tone. Ju sot, mund te luani brenda shtepise, te gatuani, kerceni etj etj, por ka gra, te cilat s’kane mundur edhe per 9 muaj te bejne asgjeeee nga keto, ne emër te “JETËS” .
E nderkohe qe ju vazhdoni ti perqafoni femijet, une e gjithe grupi im, as nuk mundemi t’u afrohemi femijeve tane, akoma edhe 10 dite,pasi jemi veteizoluar per shkak se kemi qene ne udhetim. Prandaj, durim o miq, ne emer te “JETËS”. /Telegrafi/

https://www.instagram.com/p/B9zGxLCAFJj/