Aston Villa ‘tani mund të ëndërrojë’ për Ligën e Kampionëve me Unai Emeryn në stol

Aston Villa ka pasur një ndryshim fati që kur Unai Emery mbërriti në klub dhe aktualisht po lufton drejt kreut të renditjes së Ligës Premier.

Skuadra e Emery u kualifikua për në Evropë sezonin e kaluar, por ata mund të ëndërrojnë të konkurrojnë mes më të mirëve nëse forma e tyre vazhdon për pjesën tjetër të sezonit.

Paraqitjet e klubit nga Midlands që po prodhon në Villa Park janë të bujshme, me djemtë e Emery që fituan 12 ndeshje radhazi në shtëpi. Aktualisht janë në vendin e pestë me 22 pikë, pas shtatë fitoreve, një barazimit dhe dy humbjeve.

Kur Emery u emërua vitin e kaluar, tifozët e Aston Villa nuk do të mund të ëndërronin që 51-vjeçari do t’i kthente gjërat aq shpejt sa ai.

Situata e Villa dukej e zymtë nën drejtimin e Steven Gerrard para se Emery të vinte, me klubin e Midlands që luftonte për të qëndruar në Ligën Premier.

Tani pyetja nuk është nëse ata mund të qëndrojnë në elitë, por a mund të kualifikohen në Ligën e Kampionëve?

Aston Villa bëri disa nënshkrime verës me emra si Pau Torres (Villarreal), Moussa Diaby (Bayer Leverkusen), Youri Tielemans (Leicester City), Rico Richards (West Bromwich Albion), Nicolo Zaniolo (Galatasaray) që zbarkuan në klub.

Klubi gjatë afatit kalimtar mund të ofrojë sulmuesin e Athletic Bilbaos, Nico Williams, i cili është ‘intriguar’ nga projekti i ofruar në Villa Park. /Telegrafi/