Asgjë nuk keni parë nga Chelsea – The Blues e bëjnë prioritet transferimin e Haaland dhe Rice

Chelsea duket se nuk e ka ndërmend të ndalet me transferime të mëdha as në verën e vitit të ardhshëm.

The Blues në verën e këtij vitit shpenzuan mbi 200 milionë euro për transferimet që i bënë, mirëpo duket se Frank Lampard nuk është ende i kënaqur.

Sipas asaj që raporton Sky Sports, Roman Abramovich është i gatshëm që t’i plotësojë trajnerit të tij edhe dy kërkesa të tjera.

Erling Haaland i Borussia Dortmundit dhe Declan Rice i West Ham United, janë dy kërkesat e fundit të Lampard për të kompletuar ekipin.

Por, para se të ndodhin këto dy transferime, skuadra londineze do t’i largojë disa lojtarë.

Olivier Giroud, Marcos Alonso, Kepa Arrizabalaga, Jorginho, Antonio Rudiger dhe Andreas Christensen, janë vetëm disa largimet që pritet të ndodhin nga blutë.

E me këto largime, Chelsea do të kishte mundësi që t’i realizonte dy shënjestrat që nuk janë të pamundura, pasi Rice tashmë e do rikthimin në Stamford Bridge, derisa Haaland dëshiron të luajë për një klub edhe më të madh. /Telegrafi/