Artistët shqiptarë në zi, kërkojnë përgjegjësi për masakrën e kryer mbi qenin në Kuçovë (Foto)

Ka mjaftuar një video e shpërndarë në rrjetet sociale, në të cilën promovohej dhunë ndaj kafshëve, që të gjithë shqiptarët të revoltohen.

Videoja në fjalë tregon pamje drithëruese se si një person nga Kuçova ka masakruar me sëpatë qenin e tij të lidhur.

Të prekur nga kjo situatë kanë ngelur veçanërisht artistët shqiptarë, të cilët janë shumë socialë.

Lexo po ashtu Të gjitha lajmet nga Estrada Shqiptare

Besa Kokëdhima, Alban Ramosaj, Aurela Hoxha, Roza Lati, Renis Gjoka, Kastro Zizo, janë vetëm disa nga emrat që përmes rrjeteve sociale kanë reaguar lidhur me ngjarjen.

Emrat në fjalë kanë publikuar në llogaritë e tyre në rrjetet sociale një fotografi nën hashtagun “#Zi”, nga ku kërkohet përgjegjësi për personin që ushtroi dhunë të pamëshirshme mbi kafshët.

“#Zi, derisa shteti të gjejë, proçedojë e dënojë kriminelin që masakroi qenin e tij me sopatë në video! #Kafshëtevërtetëkanë2këmbë”, është mesazhi që është shkruajtur në fotografinë e shpërndarë.

Shumica prej artistëve janë adhurues të kafshëve shtëpiake, dhe mbajnë disa prej tyre në ambientet e shtëpisë së tyre. /Telegrafi/